విత్తనంగానే ఉండిపోం

చేయూత నిచ్చే వాళ్ళు లేరని చింతపడకు

నీళ్ళు పోసేవాళ్ళు లేనంత మాత్రాన

భూమిలో ఉన్న విత్తనం మొలకెత్తకుండా

విత్తనంగానే ఉండిపోదు

వర్షం పడేదాక వేచి ఉంటుంది

వర్షపు నీటితో మొలక్కెత్తుతుంది

ఆపై అవని అంతరాలలోకి పాకి

మానుగా మారుతుంది

మనము ఆ విత్తనం లాంటి వాళ్ళమే

ప్రయత్నిద్దాం.. ఫలితం వచ్చేవరకు వేచి ఉందాం

అవమానాలను భరిద్దాం.. కన్నీళ్ళని దిగమింగుద్దాం

చిన్నచూపు చూసిన్నోళ్ళే మనచెంతకి చేరేలా

పైకొచ్చి చూపిద్దాం

- ఇంద్రజ గడిపర్తి