Viral Video: హైదరాబాద్ స్పెషల్ ఐస్ క్రీం.. దీన్ని చూస్తేనే మీ నోట్లో నీళ్లు ఊరుతాయ్

దిశ, వెబ్ డెస్క్: Viral Video: ఐస్ క్రీమ్ అంటే అందరికీ ఇష్టమే. వేసవి కాలం వచ్చిందంటే చాలు ఎండ వేడిమి నుంచి ఉపశమనం పొందేందుకు చల్లటి పదార్థాలను తీసుకునేందుకు ఇష్టపడుతుంటారు. కొంతమంది చల్లటి మజ్జిగ, నిమ్మరసం తాగితే మరికొందరు కూల్ డ్రింక్స్ తాగుతుంటారు. చిన్న పిల్లలు ఎక్కువగా ఐస్ క్రీమ్ తినడానికి ఇష్టపడుతుంటారు. చిన్న పిల్లలే కాదు పెద్దలు కూడా ఐస్ క్రీమ్ ను ఇష్టంగా తింటుంటారు. కానీ మీరు కొనుగోలు చేసే ఐస్ క్రీమ్ ఖరీదు ఎంత ఉంటుంది. రూ. 100 లేదంటే రూ. 200 ఉంటుంది. మరీ కాస్ట్ లీ అయితే మహా 500 లేదా 1000ఉంటుంది. కానీ ఇప్పుడు మీరు చూసే ఐస్ క్రీమ్ ను చూస్తే నోట్లో నీళ్లూరుతుంటాయ్..ధర తెలిస్తే మాత్రం షాక్ అవుతారు. ఇప్పుడు ఈ ఐస్ క్రీమ్ సోషల్ మీడియాలో వైరల్ అవుతోంది.

సోషల్ మీడియాలో వైరల్ అవుతున్న ఈ ఐస్ క్రీమ్ ఇండియాలోనే అత్యంత ఖరీదైన ఐస్ క్రీమ్ అట. ఈ ఐస్ క్రీమ్ ను ఒక క్రమ పద్ధతిలో తయారు చేస్తున్నారు. దీన్ని తయారు చేయడం చూస్తే ఎవరికైనా నోట్లో నీళ్లూరుతాయ్. చూస్తేనే ఇలా ఉంది..తింటే ఎలా ఉంటుందో కదూ. ఈ ఐస్ క్రీమ్ కు బంగారు పూత పూశారు. అయితే ఈ ఐస్ క్రీమ్ ధర తెలిస్తే మాత్రం సామాన్యులకు చెమటలు పడతాయి.

ఈ హైదరాబాద్ స్పెషల్ ఐస్ క్రీమ్ ధర రూ. 12000 వేలు. భారత్ లోనే అత్యంత ఖరీదైన ఐస్ క్రీమ్ ఇదేనని సోషల్ మీడియాలో ప్రచారం జరుగుతోంది. వీడియోలో, రెస్టారెంట్ సిబ్బంది ప్రత్యేక ఐస్ క్రీం కోన్‌లో చాక్లెట్ ముక్కలు, కరిగించిన చాక్లెట్, కొన్ని గింజలు, చాక్లెట్ ఐస్ క్రీంను జోడించడాన్ని చూడవచ్చు. దీని తరువాత అతను ఐస్ క్రీం మీద మందపాటి క్రీమ్ పొరను పూస్తున్నాడు. ఐస్ క్రీం మీద బంగారు పొరను కూడా పూస్తున్నాడు. ఐస్ క్రీంను వివిధ టాపింగ్స్ తో అలంకరిస్తున్నారు. పూర్తిగా తయారు చేసిన తర్వాత, ఐస్ క్రీం చాలా అందంగా కనిపిస్తుంది. దీనిని సోషల్ మీడియా ప్లాట్‌ఫామ్ ఇన్‌స్టాగ్రామ్‌లో @foodiedaakshi అనే IDతో ఒక ఫుడ్ బ్లాగర్ పోస్ట్ చేశారు. దానికి 'హైదరాబాద్ బంగారు పూతతో కూడిన ఐస్ క్రీం భారతదేశంలో అత్యంత ఖరీదైన ఐస్ క్రీం' అని క్యాప్షన్ ఉంది. ఈ చిన్న వీడియో క్లిప్‌ను కోటి మందికి పైగా వీక్షించారు. వేలాది మంది దానిపై లైక్‌లు,కామెంట్లు చేశారు.

'నేను నా కిడ్నీని అమ్మేసి తింటాను' అని ఒక యూజర్ కామెంట్ చేశాడు. మరో యూజర్ 'ఏయ్, నేను అంబానీ జీ పెళ్లిలో తిన్నాను' అంటూ సరదాగా కామెంట్ పెట్టాడు.ఇప్పుడు ఈ వీడియో సోషల్ మీడియాలో వైరల్ అవుతోంది.