Viral Video: ఢిల్లీ పాక్ హైకమిషన్ వద్ద కేక్ కటింగ్? ఎవరి పని? సంచలనం రేపుతోన్న వీడియో!

దిశ, వెబ్ డెస్క్: Viral Video: పహల్గామ్ ఉగ్రదాడి అనతరం భారత ప్రభుత్వం కఠిన చర్యలు తీసుకుంటోంది. బుధవారం సాయంత్రం జరిగిన సీసీఎస్ సమావేశంలో ప్రధాని మోదీ ఒకేసారి 5 నిర్ణయాలు తీసుకోవడం ద్వారా పాకిస్తాన్ వెన్ను విరిచారు. ఈ దాడి తర్వాత దేశవ్యాప్తంగా ఆగ్రహం పెల్లుబికింది. ప్రభుత్వం ఉగ్రవాదులపై ఎప్పుడు ప్రతీకారం తీర్చుకుంటుందని అందరూ అడుగుతున్నారు? ఇంతలో, పాకిస్తాన్ హైకమిషన్ వెలుపల నుండి ఓ వీడియో బయటకు వచ్చింది. ఇక్కడ హై కమిషన్‌లో పోస్ట్ చేసిన ఒక ఉద్యోగి కేక్ తీసుకుని లోపలికి వెళ్లడం సంచలనంగా మారింది. అక్కడ ఉన్న మీడియా ప్రతినిధులు అతనిని చుట్టుముట్టి.. ఏ సందర్భంలో ఈ కేక్‌తో లోపలికి వెళ్తున్నారంటూ ప్రశ్నించారు. సదరు వ్యక్తి ఎలాంటి సమాధానం చెప్పకుండా అక్కడి నుంచి పారిపోయేందుకు ప్రయత్నించాడు. ప్రస్తుతం ఈ వీడియో వైరల్ గా మారింది.

పహల్గామ్ దాడి తర్వాత, న్యూఢిల్లీలోని పాకిస్తాన్ హైకమిషన్‌లో ఉన్న మూడు సైన్యాల రక్షణ సలహాదారులను 7 రోజుల్లోగా దేశం విడిచి వెళ్లాలని భారతదేశం ఆదేశించింది. దీనితో పాటు, ఇస్లామాబాద్‌లో నియమించిన సైనిక సలహాదారులను కూడా భారతదేశం వెనక్కి పిలిచింది. ఈ నిర్ణయానికి ముందు, రెండు దేశాల రాయబార కార్యాలయాల్లో 55 మంది ఉద్యోగులు ఉన్నారు. ఇప్పుడు దాని సంఖ్య 30కి తగ్గుతుంది.