థైరాయిడ్ పేషేంట్లకు కొత్త ముప్పు

దిశ, వెబ్ డెస్క్ : థైరాయిడ్‌ పేషేంట్లు మరో కొత్త ముప్పును ఎదుర్కోబోతున్నారని పరిశోధకులు సూచిస్తున్నారు. థైరాయిడ్ సమస్యలు ఉన్న వ్యక్తులు ఆర్థరైటిస్‌కు ఎక్కువగా గురయ్యే అవకాశం ఉందని చెబుతున్నారు. ఈ వ్యాధి ప్రారంభంలో ఆకలి తగ్గడం, జ్వరం, నీరసం, బరువు తగ్గడం వంటి సాధారణ లక్షణాలు కనిపిస్తాయని, అది క్రమంగా కీళ్లలో నొప్పి, వాపు, ఎర్రబారడం, కదలిక తగ్గడం వంటి సమస్యలు తీవ్రంగా వ్యక్తమవుతాయని చెబుతున్నారు. కొన్ని సందర్భాల్లో ఈ వ్యాధి హృదయం, ఊపిరితిత్తులు, చర్మం వంటి ఇతర అవయవాలపైనా ప్రభావం చూపవచ్చనని అంటున్నారు.

ఆర్థరైటిస్‌ను పూర్తిగా నయం చేయడం సాధ్యం కాకపోయినప్పటికీ, ఆరోగ్యకరమైన ఆహారం, నిత్యమైన వ్యాయామం, ఒత్తిడి తగ్గించడం, వైద్యులు సూచించిన మందులను క్రమం తప్పకుండా తీసుకోవడం ద్వారా ఈ వ్యాధిని నియంత్రించుకోవచ్చని వైద్యులు చెబుతున్నారు. తద్వారా కీళ్ల నొప్పిని తగ్గించడంతో పాటు రోజువారీ పనులను సులభంగా నిర్వహించే అవకాశం ఉంటుందని అంటున్నారు. అయితే థైరాయిడ్ మాత్రమే కాదు, అబార్షన్ సమస్యలు ఎదుర్కొన్న మహిళలకు కూడా వ్యాధి వచ్చే అవకాశం ఉంటుందని చెబుతున్నారు.