అందం కాదు ఆ విషయంలో స్ట్రాంగ్గా ఉండే అమ్మాయిలనే కోరుకుంటున్న పోరగండ్లు.. అబ్బాయిల తీరుపై సంచలన రిపోర్ట్
సాధారణంగా అమ్మాయిల అందాన్ని చూసే అట్రాక్ట్ అవుతారు అబ్బాయిలు. ప్రపోజ్ చేసి డేటింగ్కు తీసుకెళ్లాలని.. ప్రేమించి పెళ్లి చేసుకోవాలని కోరుకుంటారు. కానీ పెళ్లి
దిశ, ఫీచర్స్ : సాధారణంగా అమ్మాయిల అందాన్ని చూసే అట్రాక్ట్ అవుతారు అబ్బాయిలు. ప్రపోజ్ చేసి డేటింగ్కు తీసుకెళ్లాలని.. ప్రేమించి పెళ్లి చేసుకోవాలని కోరుకుంటారు. కానీ పెళ్లి అయ్యాక సీన్ రివర్స్ అవుతుంది. గొడవలు, ఘర్షణలతో ఆనందం కాస్త ఆవిరవుతుంది. ఇదంతా గమనించిన పురుషులు రియలైజ్ అయ్యారని చెప్తుంది గ్లోబల్ వెల్నెస్ ఇనిస్టిట్యూట్ లేటెస్ట్ రిపోర్ట్. 95% మంది పురుషులు తమ మానసిక ఆరోగ్యానికే ప్రాధాన్యత ఇస్తున్నారని.. బ్యూటీ కన్నా పీస్కే ఇంపార్టెంట్ ఇస్తున్నారని తెలిపింది. ఈ ఆలోచన డేటింగ్ విధానాన్ని పూర్తిగా మార్చేస్తుండగా.. అసలు ఇందుకు గల కారణాలేంటి? నిపుణులు ఏం చెప్తున్నారు? తెలుసుకుందాం.
మానసిక ఆరోగ్యం పట్ల అవగాహన : మెంటల్ హెల్త్పై సొసైటీ ఆలోచన మారింది. ఇంతకు ముందులా కాకుండా మానసిక ఆరోగ్యం ఆమోదయోగ్యం అవుతోంది. పురుషులు తమ భావోద్వేగ శ్రేయస్సును బహిరంగంగా పరిష్కరించడానికి ప్రోత్సహించబడుతున్నారు. మీడియా, ప్రముఖ వ్యక్తులు, అవగాహన కార్యక్రమాలు, అందుబాటులో ఉన్న థెరపీ.. దీన్ని సాధారణీకరించగా.. స్టిగ్మా తగ్గి.. మానసిక ఆరోగ్య ప్రయాణాన్ని సమర్థించే భాగస్వాములను ఎంచుకోవడానికి పురుషులు ప్రాధాన్యత ఇస్తున్నారు.
పురుషత్వ నిర్వచనంలో మార్పు: సాంప్రదాయ స్టాయిక్, శారీరక ఆధిపత్య అంచనాలు క్రమంగా క్షీణిస్తున్నాయి. పురుషులు భావోద్వేగ హాని స్థితిని కూడా పురుషత్వంలో భాగంగా నిర్వచిస్తున్నారు. శారీరక ఆకర్షణ కంటే మానసిక భద్రత, పరస్పర సమర్థనను అందించే సంబంధాలకు విలువ ఇస్తున్నారు.
సెల్ఫ్ కేర్ డెవలప్మెంట్: పురుషుల సెల్ఫ్ కేర్ మార్కెట్ $90 బిలియన్గా ఉన్నట్లు నివేదిక పేర్కొంది. జిమ్ సభ్యత్వాలు, చర్మ సంరక్షణతో పాటు థెరపీ యాప్లు, మైండ్ఫుల్నెస్ ప్రోగ్రామ్లు, వెల్నెస్ కమ్యూనిటీల వంటి మానసిక ఆరోగ్య వనరులను కలిగి ఉంది. ఈ పరిశ్రమ వృద్ధి పురుషుల భావోద్వేగ స్థిరత్వంపై ఇంపార్టెన్స్ను ప్రతిబింబిస్తుంది. భాగస్వామి ఎంపికను ప్రభావితం చేస్తుంది.
భావోద్వేగ భద్రత: పురుషులు ఒత్తిడి, డ్రామా కంటే శాంతి, స్థిరత్వాన్ని అందించే భాగస్వాములను ఎక్కువగా కోరుకుంటున్నారు. సంబంధాలు మానసిక ఆరోగ్యంపై ప్రభావం చూపుతాయని గుర్తించడం వల్ల.. దీర్ఘకాలిక అనుకూలత కోసం ఎమోషనల్ సపోర్ట్ ఇచ్చే భాగస్వాములకు ప్రాధాన్యత ఇస్తున్నారు.
బర్న్అవుట్, సామాజిక ఒత్తిడి: ఉద్యోగ ఒత్తిడి, ఆర్థిక అనిశ్చితి, సోషల్ మీడియా పోలికలు వంటి మోడ్రన్ స్ట్రెస్ మానసిక స్థిరత్వం అవసరాన్ని పెంచాయి. పురుషులు ఈ ఒత్తిళ్లను తగ్గించే, శాంతిని అందించే భాగస్వాములను ఎంచుకుంటున్నారు.
