పురుగా.. పువ్వా.. పురుగే కానీ గులాబీ పువ్వులాగా విచ్చుకుంటుందా.. చూసి తీరాల్సిందే..(వీడియో)

దిశ, ఫీచర్స్ : ‘‘స్లీపింగ్ రోజ్ మాంటిస్’’.. సోషల్ మీడియాలో వైరల్ అవుతున్న ఒక పురుగు. చూస్తుంటే పురుగా.. పువ్వా.. అనే డౌట్ వస్తుంది. ఎందుకంటే.. గులాబీ పువ్వును అనుకరిస్తూ.. పగటిపూట నిశ్చలంగా ఉండి.. రాత్రిపూట సన్నని కాళ్లు, యాంటెన్నాలను విప్పుతూ.. రోజ్ ఫ్లవర్ మాదిరిగానే విచ్చుకుంటుంది. ఉరుగ్వే, హిమాలయాల వంటి ప్రాంతాల్లో జీవిస్తుందని చెప్పబడుతున్న ఈ పురుగును చూస్తుంటే వావ్ అనిపిస్తుంది. కానీ శాస్త్రీయంగా గుర్తించబడిన జాతి కాదని.. దీని ఉనికిని ధృవీకరించే ఎటువంటి కీటక శాస్త్ర రికార్డులు, అధ్యయనాలు లేవని తెలుస్తోంది. డిజిటల్‌ ట్రాన్సఫర్మేషన్ పిక్స్, AI-తో రూపొందించిన వీడియోల నుండి ఉద్భవించిందని సమాచారం.

సోషల్ మీడియాలో వైరల్ అయిన వీడియోలో AI సంబంధిత హ్యాష్‌ట్యాగ్‌లతో రోజ్‌లాంటి కీటకం కనిపించింది. కానీ అందులో ఆరు వేళ్ల చేయి వంటి AI-జనరేటెడ్ కంటెంట్‌లో అసాధారణతలు ఉన్నాయి. నిజమైన మాంటిస్‌లు, ఆర్కిడ్ మాంటిస్ (Hymenopus coronatus) లేదా ఇండియన్ రోజ్ మాంటిస్ (Gongylus gongylodes) వంటివి.. శత్రువుల నుంచి దాచుకోవడానికి, ఆహారం కోసం పుష్పాలను అనుకరించే అద్భుతమైన సామర్థ్యాన్ని కలిగి ఉన్నాయి. ఆర్కిడ్ మాంటిస్.. ఆగ్నేయ ఆసియాకు చెందినది. పుష్పాలతో కలిసిపోవడానికి గులాబీ, తెలుపు రంగుల మధ్య మారుతూ.. ఆకర్షితమైన పరాగ సంచారకాలను ఆహారంగా పొందుతుంది. ఇండియన్ రోజ్ మాంటిస్, గాలిలో కర్రలా ఊగుతూ.. సన్నని కాళ్లను కలిగి ఉంటుంది కానీ రోజ్‌బడ్‌ను పోలి ఉండదు. ఈ జాతులు ప్రకృతికి అనుగుణంగా దాచుకునే సామర్థ్యాన్ని చూపిస్తాయి. ఇవి స్లీపింగ్ రోజ్ మాంటిస్ వంటి కల్పిత జీవుల సృష్టికి ప్రేరణనిచ్చాయని సమాచారం. ఇక స్లీపింగ్ రోజ్ మాంటిస్ చూసిన నెటిజన్లు కొందరు ఈ జీవిని చూసి ఆశ్చర్యంగా భావిస్తే.. మరికొందరు AIతో జనరేట్ చేశారని లేబుల్ చేస్తున్నారు. ఎందుకంటే అధునాతన AI సాధనాలు పూర్తిగా కల్పిత జాతులను సృష్టించగలవు.