ప్రెగ్నెన్సీ టూరిజమ్ అంటే ఏమిటి? పైసలిచ్చి మరీ వారితో ప్రెగ్నెన్సీ పొందడం ఎందుకు?
ప్రెగ్నెన్సీ టూరిజం లేదా బర్త్ టూరిజమ్ అనేది గర్భవతులు ప్రసవం కోసం మరో దేశానికి ప్రయాణించి.. ఆ దేశ చట్టాల ప్రకారం తమ బిడ్డకు పౌరసత్వం పొందేందుకు ప్రత్యేకంగా ఉద్దేశించబడింది. అనేక ప్రయోజనాలు పొందేందుకు
దిశ, వెబ్ డెస్క్ : ప్రెగ్నెన్సీ టూరిజం లేదా బర్త్ టూరిజమ్ అనేది గర్భవతులు ప్రసవం కోసం మరో దేశానికి ప్రయాణించి.. ఆ దేశ చట్టాల ప్రకారం తమ బిడ్డకు పౌరసత్వం పొందేందుకు ప్రత్యేకంగా ఉద్దేశించబడింది. అనేక ప్రయోజనాలు పొందేందుకు సులభతర పద్ధతిగా పరిగణించబడుతుంది. జస్ పోలి విధానాల ప్రకారం.. ఆ దేశ ప్రాంతంలో పుట్టిన ఎవరైనా.. తల్లిదండ్రులు ఆ దేశానికి చెందిన వారు కాకపోయినా ఆటోమేటిక్గా పౌరసత్వం లభిస్తుంది. ఉన్నత ఆరోగ్య రక్షణ, విద్యా వ్యవస్థల ప్రయోజనాలను అందిస్తుంది.
ఎడ్యుకేషన్, వర్క్ వీసా, కుటుంబ ప్రయోజనాలకు సులభమైన మార్గంగా మారుతుంది బర్త్ టూరిజమ్. బిడ్డ జన్మించిన దేశంతోపాటు తల్లిదండ్రుల సొంత దేశపు పాస్ పోర్టులు రెండు ఉంటాయి. డ్యూయల్ సిటిజన్షిప్ లభిస్తుంది. గ్లోబలైజేషన్, చౌకైన అంతర్జాతీయ ప్రయాణంతో ప్రెగ్నెన్సీ టూరిజమ్ పెరగ్గా.. చట్టపరమైన, ఆర్థిక, నైతిక ఆందోళనల కారణంగా వివాదాస్పదంగా మారింది. అందుకే కొన్ని దేశాలు బర్త్ రైట్ పౌరసత్వాన్ని అందించేందుకు కఠిన నియమాలను తీసుకొచ్చాయి. దుర్వినియోగాన్ని కట్టడి చేసేందుకు వినియోగిస్తున్నాయి. కొన్ని దేశాలు తల్లిదండ్రులు బిడ్డ పుట్టేందుకు ముందు ఏడాదిపాటు దేశంలో జీవిస్తేనే ఈ సిటిజన్షిప్ను అందిస్తున్నాయి.
లడాఖ్ పురుషులకు డిమాండ్..
* లడాఖ్ లో ప్రెగ్నెన్సీ టూరిజమ్ భారీగా పెరుగుతుంది. ముఖ్యంగా ఇది జాతి శుద్ధతా కథనాలతో ముడిపడి ఉంది. యురోపియన్ మహిళలుముఖ్యంగా జర్మన్ కు చెందిన వారు స్థానిక పురుషులతో సంతానం కోసం ప్రయాణిస్తారని తెలుస్తోంది. కారణం ఇక్కడి కమ్యూనిటీ అలెగ్జాండర్ ది గ్రేట్ సైనికుల వంశానికి చెందిన వారని సమాచారం. ఇందుకోసం ఆర్థిక ప్రోత్సాహకాలు కూడా అందిచబడుతాయనే కథనాలు కూడా ఉన్నాయి. దా, హాను, గార్కోన్ వంటి గ్రామాల్లో టూరిజమ్ పెరిగేందుకు ఇదే ముఖ్య కారణంగా చెప్పబడుతోంది.
* బ్రోక్పా కమ్యూనిటీ ఆర్యన్ వంశస్థులని.. ఫెయిర్ స్కిన్, పొడవు, అందమైన కళ్లు కలిగిన వారని.. వీరే చివరగా ఉన్న శుద్ధ ఆర్యులని చెప్పబడుతారు. ప్యూర్ ఆర్యన్ జెనెటిక్స్ పొందేందుకు బ్రోక్పా పురుషుడితో సంతానాన్ని పొందేందుకు ఇష్టపడుతున్నారు.
