18 శక్తి పీఠాలకు బంగారుబోనం

దిశ, చార్మినార్​: చారిత్రాత్మక లాల్​దర్వాజా సింహవాహిని శ్రీ మహంకాళి దేవాలయం 113వ వార్షికోత్సవాలలో భాగంగా భారతదేశ వ్యాప్తంగా 18 శక్తి పీఠాలకు బంగారు బోనం సమర్పించనున్నట్లు ఆలయకమిటీ చైర్మన్​ వెంకటేష్​, ప్రధానకార్యదర్శి మారుతి యాదవ్​, కోశాధికారి అరవింద్​కుమార్​గౌడ్ లు వెల్లడించారు. లాల్​దర్వాజా దేవాలయ కమిటీ ఆవరణలో మంగళవారం జరిగిన మీడియా సమావేశంలో వివరాలు వెల్లడించారు. లాల్​దర్వాజా సింహవాహిని శ్రీ మహంకాళి దేవాలయ కమిటీ ఆధ్వర్యంలో ఈ ఆషాడమాసం బోనాల ఉత్సవాల నుండి దేశవ్యాప్తంగా ఉన్న 18 శక్తి పీఠాలకు బంగారు బోనం సమర్పించనున్నారని తెలిపారు.

మొట్ట మొదటగా ఈ ఆషాడ మాసంలో శ్రీశైలం భ్రమరాంబిక అమ్మవారికి బంగారు బోనం సమర్పించనున్నట్లు చెప్పారు. 18 సంవత్సరాల పాటు ఒక్కో సంవత్సరం ఒక్కో శక్తి పీఠంలో అమ్మవారికి బంగారు బోనం సమర్పించనున్నట్లు ఆలయ కమిటీ పేర్కొంది.