హుజురాబాద్​ ఉపఎన్నిక చిన్నదే.. కేటీఆర్ ఆసక్తికర వ్యాఖ్యలు

దిశ, తెలంగాణ బ్యూరో: మాజీ మంత్రి ఈటల రాజీనామాతో హుజురాబాద్​కు ఉపఎన్నిక అనివార్యమైంది. ఈ నేపథ్యంలో ఈ బైపోల్ తమకు చాలా చిన్నదేనని మంత్రి కేటీఆర్ ​కొట్టి పడేసిన విషయం విధితమే. అయితే తాజాగా మంత్రి ఈ ఉపఎన్నిక తమకు చాలా చిన్నదని మరోసారి కీలక వ్యాఖ్యలు చేశారు. ఇదిలా ఉండగా.. టీఆర్​ఎస్​కు చెందిన మంత్రులు, ఎమ్మెల్యేలంతా ఇప్పటికే హుజురాబాద్​ నియోజకవర్గంలోనే తిష్ట వేశారు. కేటీఆర్​ ఈ బైపోల్ చిన్నదనే చెబుతూ.. అంతమంది మంత్రులు, ఎమ్మెల్యేలను ఎందుకు పంపించి ఆర్భాటాలు చేయడం ఎందుకో అనే చర్చ రాజకీయ వర్గాల్లో జోరుగా నడుస్తోంది