మైనర్ బాలికతో సెక్స్ చేయడం తప్పు కాదు.. హైకోర్టు సంచలన వ్యాఖ్యలు
దిశ, వెబ్‌డెస్క్: ప్రస్తుతం దేశంలో ఎక్కడ చూసినా చిన్నారులను కామాంధులు చిదిమేస్తున్న ఘటనలే కనిపిస్తున్నాయి. మైనర్ బాలికలపై లైంగిక దాడికి యత్నించినవారిపై పోక్సో చట్టం కింద కేసు నమోదు చేస్తున్న విషయం తెలిసిందే. అయితే తాజాగా ఒక కేసులో ఈ చట్టానికి సంబంధించి కోల్ కత్తా హైకోర్టు సంచలన వ్యాఖ్యలు చేయడం ప్రస్తుతం చర్చనీయాంశంగా మారింది. ఇక కేసు విషయానికొస్తే 2017 లో ఒక 22 ఏళ్ల యువకుడు 16 ఏళ్ల బాలికతో శృంగారంలో పాల్గొన్నాడు. అది ఆమె అంగీకారంతోనే.. కానీ, ఆమె తరపు బంధువులు అతడిపై పోక్సో చట్టం కింద కోర్టులో కేసు పెట్టారు. ట్రయల్ కోర్టు దోషిగా నిర్ధారించడంతో దీనిపై బాధితురాలితో తన సంబంధం గురించి కోల్ కతా హైకోర్టులో బాధితుడు పిటీషన్ దాఖలు చేశాడు. ఆమె ఇష్టంతోనే లైంగిక చర్యలో పాల్గొన్నానని తెలిపాడు. ఇక ఈ కేసు పూర్వాపరాలు పరిశీలించిన న్యాయస్థానం సంచలన తీర్పునిచ్చింది.
మైనర్ బాలిక ఇష్టంతో శృంగారం చేస్తే అది పోక్సో చట్టం కిందకు రాదని, అది అసలు తప్పే కాదని న్యాయస్థానం తీర్పునిచ్చింది. 16 ఏళ్ల అమ్మాయికి అబ్బాయితో లైంగిక సంబంధం ఉందని తెలియదని అనుకోవడం సరికాదని తెలిపింది. ఏం చేస్తున్నామో.. దాని పర్యవసనాలు ఏంటో ఆమెకు తెలుసునని కోర్టు వ్యాఖ్యానించింది. శృంగారానికి పరస్పర అంగీకారం ఉంటే తప్పు కాదని, అది పోక్సో చట్టం కింద నేరం కాదని తెలిపింది. ఇద్దరికి ఇష్టం ఉండి సెక్స్ లో పాల్గొన్నప్పుడు.. నింద మాత్రం పురుషుడిపై వేయడం భావ్యం కాదని, అందులో బాలిక తప్పు కూడా ఉంటుందని తెలిపిన న్యాయస్థానం ఈ మేరకు పోక్సో చట్టం కింద కేసు నమోదైన వ్యక్తి శిక్షను కోల్ కతా హైకోర్టు రద్దు చేసింది.
సెక్స్ లో ఇష్టపూర్వకంగా పాల్గొన్న 16 ఏళ్ల బాలిక అమాయకురాలు అనుకోవడం తప్పని, ఆమెకు అన్ని తెలిసే అతడితో శృంగారంలో పాల్గొన్నట్లు తెలిపింది. ఇష్టపూర్వకంగా చేసినప్పుడు మగవాడిని మాత్రమే నిందించడానికి ఎలాంటి కారణం లేదని జస్టిస్ సభ్యసాచి భట్టాచర్య సింగిల్ జడ్జి బెంచ్ తీర్పునిచ్చింది. ప్రస్తుతం ఈ తీర్పు స్థానికంగా సంచలనంగా మారింది.
