కరీనా మెరైన్ డ్రైవ్..
కొన్ని రోజుల కిందటి నుంచే కేంద్రం.. దేశవ్యాప్తంగా లాక్‌డౌన్‌ను సడలిస్తూ వస్తోంది. ఈ క్రమంలోనే మహారాష్ట్ర సర్కార్.. మే 31 నుంచి రాష్ట్ర వ్యాప్తంగా జాగింగ్, రన్నింగ్‌కు అనుమతించింది. దీంతో ఇన్ని రోజులు లాక్‌డౌన్‌లో ఉండిపోయిన సినిమా స్టార్లు.. మాస్క్‌లు ధరించి చాలా రోజుల తర్వాత బయటి ప్రపంచాన్ని ఆస్వాదిస్తున్నారు. ఈ నేపథ్యంలోనే ఆదివారం కరీనా కపూర్ ఖాన్, సైఫ్ అలీఖాన్ దంపతులు కొడుకు తైమూర్‌తో కలిసి ముంబై మెరైన్ డ్రైవ్‌లో దర్శనమిచ్చారు. సండే ఈవినింగ్స్‌ను ఎంజాయ్ చేశారు. కాగా ఈ పిక్స్ సోషల్ మీడియాలో తెగ వైరల్ అయిపోయాయ్. దాదాపు మూడు నెలల తర్వాత బయటకొచ్చిన కరీనా.. బ్లాక్ ప్రింటెడ్ డ్రెస్‌ ధరించగా.. సైఫ్ వైట్ కుర్తా పైజామాలో ఎప్పటిలాగే తైమూర్‌ను భుజాలపై మోస్తూ దర్శనమిచ్చాడు.
లాక్‌డౌన్‌ పీరియడ్‌లో తైమూర్ పెయింటింగ్స్‌ను సోషల్ మీడియా వేదికగా అభిమానులతో పంచుకున్న కరీనా.. సైఫ్, తైమూర్ మొక్కలు నాటుతున్న ఫొటోలను కూడా షేర్ చేసింది. ‘మీకెవరికైనా హెయిర్ కట్ కావాలా?’ అంటూ తైమూర్‌కు హెయిట్ కట్ చేస్తున్న సైఫ్ ఫోటోలను షేర్ చేయగా అవి కూడా వైరలైన విషయం తెలిసిందే. ఇక సినిమా విషయానికొస్తే దివంగత నటుడు ఇర్ఫాన్ ఖాన్ నటించిన ‘ఆంగ్రేజీ మీడియం’లో చివరగా కనిపించిన కరీనా.. ప్రస్తుతం కరణ్ జోహార్ పీరియాడికల్ డ్రామా తఖ్త్, అమీర్ ఖాన్ ‘లాల్ సింగ్ చడ్డా’లో నటిస్తోంది.
