DSC: డీఎస్సీ అభ్యర్థులకు గుడ్‌న్యూస్ చెప్పిన తెలంగాణ ప్రభుత్వం

దిశ వెబ్ డెస్క్: తెలంగాణలో డీఎస్సీ నోటిఫికేషన్ విడుదలైన విషయం తెలిసిందే. ప్రస్తుతం 11,062 టీచర్ పోస్టుల భర్తీకి తెలంగాణ ప్రభుత్వం సన్నాహాలు చేస్తోంది. ఈ నేపథ్యంలో DSC పరీక్ష రాసే అభ్యర్థుల కోసం ప్రత్యేక క్లాసులు నిర్వహించనున్నట్టు టీశాట్ అధికారికంగా ప్రకటించింది. కాగా ఈ క్లాసులు ఈ నెల 18వ తేదీ అంటే ఈ రోజు నుండి 9 రోజులపాటు జరగనున్నాయి.

ఈ నేపథ్యంలో నేటి నుండి ప్రతి రోజు ఉదయం 11 గంటల నుంచి 12 గంటల వరకు ప్రత్యక్షప్రసారాలు ఉంటాయని టీశాట్ తెలిపింది. కాగా గణితం, సైన్స్, బయాలజీ, కెమిస్ట్రీ, ఇంగ్లిష్ తదితర సబ్జెక్టులపై లైవ్ ప్రోగ్రామ్స్ టెలికాస్ట్ అవుతాయని.. అలానే ఆ లైవ్ టెలికాస్ట్ అయిన ప్రోగ్రామ్స్ మరుసటి రోజు సాయంత్రం 6 గంటలకు రీటెలికాస్ట్ అవుతాయని వెల్లడించింది.