నావికా కేంద్రంలో జవాన్ సూసైడ్

దిశ, వెబ్‎డెస్క్: డిఫెన్సు సెక్యూరిటీకి చెందిన నావికా కేంద్రంలో తన సర్వీసు రైఫిల్‎తో కాల్చుకొని ఆత్మహత్య చేసుకున్నాడు ఓ జవాను. ఈ ఘటన ముంబయి నగరంలో చోటు చేసుకుంది.

వివరాల్లోకి వెళ్తే.. ఘట్‎కోపర్ ప్రాంతంలోని నావికా దళం స్టోర్సులో సిపాయి రాయ్‌పాల్ సింగ్ అనే జవాను.. తన సర్వీసు రైఫిల్‎తో రెండు రౌండ్లు కాల్చుకున్నాడు. కాల్పుల శబ్ధం విన్న నావికాదళం సిబ్బంది.. రాయ్‎పాల్ సింగ్‎ను హుటాహుటిన రాజవాడి సివిల్ ఆస్పత్రికి తరలిస్తుండగా మార్గమధ్యలో మృతిచెందారు. పంజాబ్ జిల్లా సంగ్రూరు జిల్లాకు చెందిన మృతుడు సిపాయి రాయ్‌పాల్ సింగ్‌కు భార్య, ఇద్దరు పిల్లలు ఉన్నారు. కేసు నమోదు చేసిన పోలీసులు జవాన్ ఆత్మహత్యకు గల కారణాలపై దర్యాప్తు చేపట్టారు.