పులి కాదు… అడవి పిల్లి!

దిశ, ఆదిలాబాద్: మంచిర్యాల జిల్లాలో కొద్ది రోజులుగా జనాన్ని ఆందోళనకు గురి చేస్తున్నది పులి కాదని తేలింది. తిర్యాని, గోలేటి, తాండూర్, మందమర్రి ఓపెన్ కాస్ట్ గనుల ప్రాంతాల్లో పులి సంచరిస్తుందని జిల్లా ప్రజలు తీవ్రంగా కలవరపడ్డారు. అయితే, తాజాగా జైపూర్ సింగరేణి పవర్ ప్లాంట్ లో పులి సంచరిస్తుందన్న సమాచారం మేరకు అటవీ అధికారులు రంగంలోకి దిగారు. సోమవారం సీసీ కేమెరా ఫుటేజీల్లో కనిపించే దృశ్యాలను పరిశీలించారు. ఆ వీడియోల్లో కనిపించే దృశ్యాల ఆధారంగా అది పులి కాదని.. అడవిపిల్లి(జంగల్ క్యాట్) అని నిర్ధారించారు. ఈ విషయాన్ని మంచిర్యాల అటవీ డివిజన్ అధికారులు ధృవీకరించారు. దీంతో సింగరేణి గనుల్లో పనిచేస్తున్న కార్మికులు, జిల్లా ప్రజలు ఊపిరి పీల్చుకున్నారు.