ఐపీఎల్‌లో అత్యుత్తమ గణాంకాలను నమోదు చేసిన జూనియర్ మలింగా

దిశ, వెబ్‌డెస్క్: ఐపీఎల్ ఎంతో మంది యువ ప్లేయర్లు తమ సత్తా చాటేందుకు వేదికగా మారిన విషయం తెలిసిందే. ఈ క్రమంలోనే మలింగా లాంటి.. బౌలింగ్ యాక్షన్ ఉన్న 20 ఏళ్ల పతిరానా ముంబైతో జరుగుతున్న మ్యాచ్‌లో ఈ సీజన్ లోనే అత్యుత్తమ గణాంకాలను నమోదు చేసుకున్నాడు. కాగా ఈ మ్యాచ్‌లో పతిరానా.. నాలుగు ఓవర్లు వేసి.. 3 వికెట్లు తీశాడు. అలాగే కేవలం 15 పరుగుల మాత్రమే ఇచ్చి ముంబై జట్టును 139/8 కి పరిమితం చేయడంతో కీలక పాత్ర పోషించాడు. కాగా పతిరానా ఐపీఎల్‌లో తన మొట్ట మొదటి మూడు వికెట్ల ఖాతాను తెరుచుకున్నాడు.