రిష‌బ్ పంత్ కు గాయం..RCB టార్గెట్ ఎంతంటే ?

దిశ‌, వెబ్ డెస్క్‌: రాయల్ ఛాలెంజర్స్ బెంగళూరుతో జరిగిన మ్యాచ్ లో లక్నో తడబడింది. బెంగళూరులోని చిన్న స్వామి స్టేడియం వేదికగా జరిగిన ఈ మ్యాచ్ లో ఫస్ట్ బ్యాటింగ్ చేసిన లక్నో, 20 ఓవర్లలో 146 పరుగులు చేసి ఆలౌట్ అయింది. ఓపెనర్ మిచెల్ మార్ష్ 40 పరుగులు, ఆయుష్ బదోని 38 పరుగులు చేశాడు. చివరలో ముకుల్ చౌదరి 39 పరుగులు చేసి రాణించాడు. ఈ ముగ్గురు మినహా మిగిలిన ఆటగాళ్లు విఫలమయ్యారు. దీంతో 146 పరుగుల వద్ద ఆలౌట్ అయింది లక్నో.

రిషబ్ పంత్ కు గాయం

బెంగళూరు, లక్నో మధ్య జరిగిన ఈ మ్యాచ్ లో కెప్టెన్ రిషబ్ పంత్ కు తీవ్ర గాయం అయింది. ఆర్సీబీ బౌల‌ర్ హేజిల్ వుడ్ వేసిన ఓ అద్భుతమైన బంతి, పంత్ చేతికి తగిలింది. దీంతో బ్యాటింగ్ చేయ‌లేక‌ పంత్ రిటైర్డ్ హర్ట్ అయ్యాడు. అయితే ఆ తర్వాత లక్నో వికెట్లు పడిన నేపథ్యంలో చేతికి బ్యాండేజ్ వేసుకొని మరీ బ్యాటింగ్ చేసేందుకు వచ్చాడు. అయినప్పటికీ బ్యాటింగ్ చేసేటప్పుడు చాలా ఇబ్బంది పడ్డ పంత్, వెంటనే ఔట్ అయ్యాడు. ఈ గాయం తీవ్రతరం అయితే తర్వాతి మ్యాచ్ లో పంత్ ఆడేది డౌట్ అంటున్నారు.