ఆర్సీబీని వేధిస్తోన్న గ్రీన్ జెర్సీ..ప్రతి మ్యాచ్ లోనూ ఓటమే !
పర్యావరణ పరిరక్షణ కోసం 2011 సీజన్ నుంచి బెంగళూరు ప్లేయర్లు ఒక్కో మ్యాచ్ లో ఈ గ్రీన్ కలర్ జెర్సీ ధరిస్తున్నారు.
దిశ, వెబ్ డెస్క్: ఐపీఎల్ 2026 నేపథ్యంలో రాయల్ ఛాలెంజర్స్ బెంగళూరు మరో ఓటమి చవి చూసింది. ఈ టోర్నమెంట్ లో ఇప్పటి వరకు 6 మ్యాచ్ లు ఆడిన బెంగుళూరు.. నాలుగింట గెలిచి రెండింటిలో ఓడిపోయింది. అయితే నిన్న ఢిల్లీతో బెంగళూరు తలపడిన సంగతి తెలిసిందే. ఈ సందర్భంగా గ్రీన్ జెర్సీలో బెంగళూరు ప్లేయర్లు బరిలోకి దిగారు.
పర్యావరణ పరిరక్షణ కోసం 2011 సీజన్ నుంచి బెంగళూరు ప్లేయర్లు ఒక్కో మ్యాచ్ లో ఈ గ్రీన్ కలర్ జెర్సీ ధరిస్తున్నారు. అయితే బెంగళూరు జట్టుకు ఈ గ్రీన్ జెర్సీ అస్సలు కలిసి రావడం లేదని గత రికార్డులు చెబుతున్నాయి. 2011 నుంచి ఇప్పటి వరకు ఈ జెర్సీలో 15 మ్యాచులు ఆడింది రాయల్ చాలెంజర్స్ బెంగళూరు. ఇందులో ఏకంగా తొమ్మిది మ్యాచ్ లలో ఓటమిపాలైంది బెంగళూరు. అటు చిన్నస్వామి స్టేడియంలో ఆర్సీబీ ఆడిన తొలి, 50 వ, అలాగే 100వ మ్యాచ్ లలో ఓటమిపాలైంది.
Next Story
