IPL 2026: హోమ్ గ్రౌండ్‌లో టాస్ గెలిచిన ముంబై

దిశ, వెబ్‌డెస్క్: ఇండియన్ ప్రీమియర్ లీగ్ (IPL) 2026 సీజన్‌లో భాగంగా ఈరోజు రెండో రసవత్తర పోరుకు తెరలేచింది. ముంబైలోని వాంఖడే స్టేడియం వేదికగా జరుగుతున్న ఈ మ్యాచ్‌లో బలమైన ముంబై ఇండియన్స్ (MI), కోల్‌కతా నైట్ రైడర్స్ (KKR) జట్లు తలపడుతున్నాయి. హోమ్ గ్రౌండ్‌లో ఆడుతున్న ముంబై కెప్టెన్ టాస్ గెలిచి మొదట ఫీల్డింగ్ ఎంచుకున్నారు. దీంతో కోల్‌కతా నైట్ రైడర్స్ జట్టు మొదట బ్యాటింగ్‌కు దిగనుంది. ముంబై జట్టు తన సొంత గడ్డపై ఆడుతుండటం వారికి కలిసొచ్చే అంశం. అటు కోల్‌కతా జట్టు కూడా భారీ హిట్టర్లతో పటిష్టంగా కనిపిస్తోంది. కోల్‌కతా బ్యాటర్లు ముంబై ముందు ఎంత భారీ లక్ష్యాన్ని ఉంచుతారో, ముంబై బౌలర్లు వారిని ఏ మేరకు కట్టడి చేస్తారో చూడాలి. ఈ సీజన్‌లో తమ బోణీని ఘనంగా ప్రారంభించాలని ఇరు జట్లు పట్టుదలతో ఉన్నాయి. మరికాసేపట్లో ప్రారంభం కానున్న ఈ మ్యాచ్ క్రికెట్ అభిమానులకు అసలైన మజాను అందించనుంది.

జట్లు అంచనా..

ముంబై ఇండియన్స్ జట్టు: రోహిత్ శర్మ, క్వింటన్ డికాక్(వికెట్ కీపర్), తిలక్ వర్మ, సూర్యకుమార్ యాదవ్, హార్దిక్ పాండ్యా(కెప్టెన్), షెర్ఫాన్ రూథర్‌ఫోర్డ్, శార్దూల్ ఠాకూర్, దీపక్ చాహర్, జస్‌ప్రీత్ బుమ్రా, ట్రెంట్ బౌల్ట్, మిచెల్ సాంట్నర్.

కోల్‌కతా నైట్ రైడర్స్ జట్టు: ఫిన్ అలెన్, అజింక్యా రహానే(కెప్టెన్), కెమెరూన్ గ్రీన్, టిమ్ సీఫెర్ట్(వికెట్ కీపర్), రోవ్‌మన్ పావెల్, అంగ్క్రిష్ రఘువంశీ, రింకూ సింగ్, రమణదీప్ సింగ్, అనుకుల్ రాయ్, సునీల్ నరైన్, వరుణ్ చక్రవర్తి.