సీఎం కోసం మంత్రి హరితహారం

సీఎం కేసీఆర్ జన్మదినాన్ని పురస్కరించుకొని.. గచ్చిబౌలిలోని పాలపిట్ట పార్కులో మంత్రి ఇంద్ర‌క‌ర‌ణ్ రెడ్డి హరితహారం చేపట్టారు. కెనరా బ్యాంకు ఆధ్వర్యంలో అటవీ శాఖ అధికారులు, ప్రజాప్రతినిధులతో కలిసి ఆయన మొక్కలు నాటారు. ఈ సందర్భంగా మంత్రి మాట్లాడుతూ… ప్రకృతి ప్రేమికుడు సీఎం కేసీఆర్ జన్మదినాన్ని పురస్కరించుకుని కేటీఆర్ ఇచ్చిన పిలుపు మేరకు మొక్కలు నాటమన్నారు. వివిధ శాఖలు, ప్రజాప్రతినిధులు, టీఆర్ఎస్ కార్యకర్తలు, అభిమానులు కోటి మొక్కలు నాటాలని నిర్ణయించినట్లు చెప్పారు. ఈ కార్యక్రమంలో అటవీ అభివృద్ధి సంస్థ వీసీ, ఎండీ రఘువీర్, కెనరా బ్యాంకు జీఎం వీరభద్ర రెడ్డి తదితరులు పాల్గొన్నారు.