కేంద్ర మంత్రి వివరణ ఇవ్వాలి.. ఐఎంఏ డిమాండ్

40

న్యూఢిల్లీ: పతంజలి కరోనిల్ టాబ్లెట్ ప్రపంచ ఆరోగ్య సంస్థ(డబ్ల్యూహెచ్‌వో) ధ్రువీకరించిందని అబద్ధాలాడటం, ఆ ఔషధాన్ని విడుదల చేస్తున్న కార్యక్రమంలో కేంద్ర ఆరోగ్య శాఖ మంత్రి డాక్టర్ హర్షవర్ధన్ పాల్గొనడం దారుణమని ఇండియన్ మెడికల్ అసోసియేషన్(ఐఎంఏ) పేర్కొంది. కరోనాను ఎదుర్కొనే శక్తి కరోనిల్ ఔషధానికి ఉన్నదని పతంజలి వాదించింది. అయితే, ఈ ఔషధాన్ని తాము గుర్తించలేదని డబ్ల్యూహెచ్‌వో వివరణ ఇచ్చిన నేపథ్యంలో ఐఎంఏ స్పందించింది.

దేశ ఆరోగ్య శాఖ మంత్రిగా హర్షవర్ధన్ ఒక అశాస్త్రీయ ఔషధ ఉత్పత్తిని దేశ ప్రజల కోసం విడుదల చేయడాన్ని ఏ విధంగా సరిపుచ్చుకుంటారని ప్రశ్నించింది. కరోనాను ఎదుర్కొనే ఈ మందుపై క్లినికల్ ట్రయల్స్ ఎప్పుడు జరిగిందని? దాని టైమ్ ఫ్రేమ్ ఏమిటో వివరించాలని అడిగింది. దేశానికి ఆయన వివరణ ఇవ్వాల్సిన అవసరమున్నదని డిమాండ్ చేసింది.

గల్లీ టూ గ్లోబల్ అప్డేట్స్.. రంగులు మారే రాజకీయాలపై ఆసక్తికర విశ్లేషణలు.. దమ్మున్న వార్తలు.. ఎప్పటికప్పుడు.. వాట్సాప్ ద్వారా పొందాలంటే.. మా నెంబ‌ర్‌ +91 88864 24242 ను సేవ్ చేసుకొని, "START" అని వాట్సాప్ ద్వారా మెసేజ్ పంపండి..