ఇగ్నో ప్రవేశాల కోసం దరఖాస్తు గడువు పెంపు

దిశ ప్రతినిధి , హైదరాబాద్: ఇందిరాగాంధీ జాతీయ సార్వత్రిక విశ్వ విద్యాలయం (ఇగ్నో) 2021 వ సంవత్సరంలో చేపడుతున్న ప్రవేశాలకు దరఖాస్తు గడువును ఈ నెల 15వ తేదీ వరకు పొడగించింది. ఈ మేరకు శుక్రవారం ఇగ్నో ప్రాంతీయ సంచాలకులు డాక్టర్ కె. రమేష్ వివరాలు వెల్లడించారు.

ఇగ్నో సర్టిఫికెట్, పీజీ సర్టిఫికెట్, డిప్లొమా, డిగ్రీ , పీజీ ప్రోగ్రామ్‌లలో చేరాలనుకునే వారు ఈ అవకాశాన్ని సద్వినియోగం చేసుకోవాలని కోరారు. ఎస్సీ, ఎస్టీ విద్యార్థులకు ఫీజు నుంచి మినహాయింపు ఉంటుందని ఆయన తెలిపారు . ఆసక్తి ఉన్న వారు నిర్ణీత గడువులోగా ఆన్ లైన్ ఇగ్నో వెబ్ సైట్ ద్వారా ప్రవేశాలు పొందాలని సూచించారు. ఇతర వివరాలుకు ఇగ్నో వెబ్ సైట్ www.ignou.ac.in లో లేదా 9492451812 , 040-23117550 నెంబర్లలో సంప్రదించవచ్చని రమేష్ వివరించారు.