భారీగా బంగారం పట్టివేత.. పోలీసుల అదుపులో ఆయన భార్య!

దిశ, వెబ్‌డెస్క్: ఎలాంటి అనుమతులు లేకుండా, అక్రమంగా తరలిస్తున్న బంగారాన్ని కోల్‌కతా పోలీసులు శుక్రవారం ఉదయం పట్టుకున్నారు. కొందరు వ్యక్తులు బంగ్లాదేశ్ నుంచి కోల్‌కతాకు రోడ్డుమార్గంలో బంగారం తరలిస్తున్నారు. అప్పటికే ఆ రోడ్డుమార్గంలో పోలీసులు తనిఖీలు నిర్వహిస్తున్నారు. అనుమానంతో వాహనాన్ని ఆపి సోదాలు చేయగా భారీగా బంగారం పట్టుబడింది. దీంతో బంగారం స్వాధీనం చేసుకొని, వాహనాన్ని, తరలిస్తున్న వ్యక్తులను అదుపులోకి తీసుకున్నారు. పట్టుబడ్డ వారిలో కోల్‌కతాకు చెందిన ఓ రాజకీయ నేత భార్య ఉన్నట్లు సమాచారం. పూర్తి వివరాలు తెలియాల్సి ఉంది.