పిల్లలకు చాక్లెట్ ట్రీట్.. ఇలా ఇస్తే నో ప్రాబ్లమ్
పిల్లలకు చాక్లెట్ ఇవ్వాలంటే తల్లిదండ్రులు భయపడిపోతారు. దంత సమస్యలు, ఆకలిని తగ్గించే షుగర్ రష్, రాత్రి నిద్ర పోకుండా అలసటకు కారణమవుతుందనేవి కారణాలు. దీంతో చాక్లెట్ పూర్తిగా శత్రువు అయిపోయింది.
దిశ, ఫీచర్స్ : పిల్లలకు చాక్లెట్ ఇవ్వాలంటే తల్లిదండ్రులు భయపడిపోతారు. దంత సమస్యలు, ఆకలిని తగ్గించే షుగర్ రష్, రాత్రి నిద్ర పోకుండా అలసటకు కారణమవుతుందనేవి కారణాలు. దీంతో చాక్లెట్ పూర్తిగా శత్రువు అయిపోయింది. కానీ షుగర్ అధికంగా జోడించి మిగిలిన వాటిని దూరం చేస్తేనే సమస్యలు మొదలవుతాయంటున్నారు నిపుణులు. తల్లిదండ్రులు చేయాల్సిన తెలివైన పని.. ఏమి కొనాలో, ఎంత ఇవ్వాలో, దానితో ఏమి కలపాలో, ఎప్పుడు ఇవ్వాలో సర్దుబాటు చేయడమని సూచిస్తున్నారు. నిజానికి కోకో స్వయంగా ఫైబర్, ఫ్లావనాల్స్ అనే యాంటీఆక్సిడెంట్స్ కలిగి, కాస్త బిటర్ రుచితో ఉంటుందని చెప్తున్నారు. చాక్లెట్ను పిల్లలకు ఆరోగ్యకరమైన ట్రీట్గా ఎలా మార్చాలో వివరిస్తున్నారు.
1. షుగర్ రీప్లేస్
మార్కెట్ మిల్క్ చాక్లెట్ బార్ను తిరిగి చూస్తే.. షుగర్ ఇతర అన్ని ఇంగ్రీడియంట్స్ కంటే ఎక్కువగా ఉంటుంది. కోకో మూడు లేదా నాలుగవ స్థానంలో ఉండవచ్చు. అంటే ఇక్కడ కోకో శాతం పెంచడం వల్ల షుగర్ తగ్గుతుంది. ఫ్లావనాల్స్ పెరుగుతాయి. రుచి అలవాటు చేసుకోవాలి. ఒక నెల రోజులు ప్రయత్నించండి.. స్వీట్ థ్రెషోల్డ్ మారుతుంది. రోజువారీ షుగర్ తగ్గుతుంది. చిన్న పోర్షన్లు కూడా సంతృప్తి ఇస్తాయి.
2. ఎంత ఇవ్వాలి?
బార్ సైజు.. సంతృప్తి మధ్య సంబంధం తక్కువ. చిన్న పిల్లలకు రోజుకు 3-6 టీస్పూన్లు (12-25 గ్రాములు) షుగర్ లెవెల్ సరైనది. అందుకే పిల్లలకు చాక్లెట్ ఇచ్చినప్పుడు పూర్తి బార్ ఇవ్వకుండా.. చిన్న స్క్వేర్ లేదా కొన్ని బటన్స్ సరిపోతాయంటున్నారు నిపుణులు. స్క్వేర్ను నమలకుండా నాలుకపై కరిగించి తింటే.. సంతృప్తి ఎక్కువ అవుతుంది. ఇలా అలవాటు చేసుకున్న పిల్లలు తమ ఆకలిని సరిగ్గా అర్థం చేసుకుంటారు.
3. బ్యాలెన్స్ కోసం ఏం చేయాలి?
ఖాళీ కడుపున షుగర్ బ్లడ్ గ్లూకోజ్ను పెంచి తగ్గిస్తుంది. ఇది చిరాకు, మళ్లీ ఆకలి కలిగేందుకు కారణమవుతుంది. ఫైబర్, ప్రోటీన్, ఫ్యాట్ ఉన్న ఆహారాలతో కలిపితే ఇది సర్దుబాటు అవుతుంది. ఉదాహరణకు... ఆపిల్ స్లైసులు లేదా స్ట్రాబెర్రీలను మెల్టెడ్ డార్క్ చాక్లెట్లో ముంచి ఇవ్వండి. బాదం లేదా వాల్నట్స్తో కలిపి ఒక చాక్లెట్ బైట్ ట్రీట్ ఇవ్వండి.
4. సరైన సమయం
చాక్లెట్ ఎప్పుడు తినాలో కూడా ముఖ్యమే. మధ్యాహ్నం 4 గంటలు లేదా నిద్రపోయే ముందు ఇవ్వడం వల్ల తదుపరి భోజనం ఆకలి తగ్గుతుంది. నిద్రకు అంతరాయం కలుగుతుంది. బ్యాలెన్స్ లంచ్ తర్వాత ఇస్తే మంచి ఫలితం ఉంటుంది. చాక్లెట్లో థియోబ్రోమిన్, కొద్దిగా కెఫీన్ ఉంటాయి. ఇవి పిల్లలను అలసటగా చేయవచ్చు. లంచ్ లేదా ఎర్లీ డిన్నర్ తర్వాత ఇవ్వడం మంచిది. ఈ మార్పులు తల్లిదండ్రులు భయపడకుండా.. సాధారణ ఆహారంగా చాక్లెట్ను చూడడానికి సహాయపడతాయి. కోకో నాణ్యత, పోర్షన్, సమయం.. ఈ మూడు విషయాలపై ఆధారపడి మంచి అలవాట్లు ఏర్పడతాయి. ఇలాంటి అలవాట్లు బాల్యం నుంచి వయోజన దశ వరకు ఆహారంతో మంచి సంబంధం ఏర్పరుస్తాయి.
గమనిక : ఈ సమాచారం ఇంటర్నెట్ నుంచి తీసుకోబడింది.
