రోడ్డు ప్రమాదం.. మాజీ ఎమ్మెల్యే కొడుకు మృతి

దిశ, వెబ్‎డెస్క్ : గుంటూరు మాజీ ఎమ్మెల్యే, పీసీసీ వర్కింగ్ ప్రెసిడెంట్ మస్తాన్ వలి కొడుకు ఫారుక్ రోడ్డు ప్రమాదంలో మృతి చెందారు. ఈ ఘటన యాదాద్రి భువనగిరి జిల్లా ధర్మోజిగూడెం వద్ద చోటు చేసుకుంది. చలి కారణంగా స్కూటీని ఆపి స్వెట్టర్ వేసుకుంటుండగా వేగంగా దూసుకొచ్చిన కారు వీరిని ఢీకొట్టింది. ఈ ప్రమాదంలో ఫారుక్ అక్కడికక్కడే మృతి చెందారు. ఫారుక్ స్నేహితుడు ఫయాజ్ ప్రమాదం నుంచి బయట పడ్డాడు. ఈ ప్రమాదంపై కేసు నమోదు చేసిన పోలీసులు.. మృతదేహాన్ని చౌటుప్పల్ ఆస్పత్రికి తరలించారు. మస్తాన్ వలికి ఏకైక కుమారుడు ఫారుక్ మరణంతో ఆయన కుటుంబంలో విషాదఛాయలు అలుముకున్నాయి.