గ్రేటర్ బరిలో 1,122 మంది అభ్యర్థులు

దిశ, తెలంగాణ బ్యూరో: గ్రేటర్ ఎన్నికల్లో 150డివిజన్లలో బరిలోకి దిగుతున్న అభ్యర్థుల పేర్లు ఫైనల్ అయ్యాయి. ఈనెల 17న ఎన్నికల నోటిఫికేషన్ విడుదల చేయగా.. ఆదివారంతో నామినేషన్ల ఉపసంహరణ ప్రక్రియ ముగిసింది. 18న ఓటర్ల జాబితా విడుదలతో పాటు అదేరోజు నుంచి 20వరకు నామినేషన్లను స్వీకరించారు. ఈనెల 21న నామినేషన్ల పరిశీలన చేసిన ఎన్నికల అధికారులు 68నామినేషన్లను తిరస్కరించినట్టు ప్రకటించారు. నామినేషన్ల ఉపసంహరణ అనంతరం 1,122 మంది అభ్యర్థులు బరిలో ఉన్నట్టు ఎన్నికల అధికారులు ప్రకటించారు. మూడు రోజుల్లో 1,893మంది అభ్యర్థులు 2,575కు పైగా నామినేషన్లు దాఖలు చేయగా స్క్రూటనీ, రెబల్స్ ఉపసంహరణ అనంతరం 1,122 మంది అభ్యర్థులు ఖరారు అయ్యారు. కాంగ్రెస్, బీజేపీ నుంచి అన్నిస్థానాలకు అభ్యర్థులను ప్రకటించినప్పటికీ స్క్రూటనీ అనంతరం తుది జాబితాలో కొందరు అభ్యర్థులు అవకాశం కోల్పోయారు. స్వతంత్ర అభ్యర్థులు 415మంది పోటీలో ఉండగా.. ఇతర రాజకీయ పార్టీల నుంచి 76మంది అభ్యర్థులు పోటీలో నిలుస్తున్నారు.

గ్రేటర్ పోరులో ఉన్న అభ్యర్థులు వీరే..