ప్రభుత్వ ఉద్యోగులకు సీఎం కేసీఆర్ సూపర్ గుడ్ న్యూస్

దిశ, తెలంగాణ బ్యూరో: ప్రభుత్వ ఉద్యోగుల సంక్షేమంపై రాష్ట్ర ప్రభుత్వం మరో కీలక నిర్ణయం తీసుకుంది. చాలా రోజుల నుంచి డిమాండ్​ చేస్తున్న క్యాష్​లెస్​ ట్రీట్​మెంట్​కు అనుమతిస్తూ ఉత్తర్వులు జారీ చేసింది. ప్రభుత్వ ఉద్యోగుల మెడికల్​ రీఎంబర్సీమెంట్​, క్యాష్​లెస్​ ట్రీట్​మెంట్​ను వచ్చే ఏడాది మార్చి 31 వరకు కొనసాగిస్తున్నట్లు ఉత్తర్వుల్లో స్పష్టం చేసింది. ఈ మేరకు ప్రభుత్వ కార్యదర్శి ఎస్​ఏఎం రిజ్వి ఉత్తర్వులిచ్చారు. ఈ నిర్ణయంపై ఉద్యోగ సంఘాల జేఏసీ కృతజ్ఞతలు తెలిపింది. జేఏసీ ఛైర్మన్​ మామిళ్ల రాజేందర్​, సెక్రెటరీ జనరల్​ మమత, సెక్రెటరీలు ప్రతాప్​, ఏనుగుల సత్యనారాయణ, ప్రతినిధులు రవీందర్​రావు, రవీంద్రకుమార్​, గండూరి వెంకటేశ్వర్లు, ఎంబీ కృష్ణ యాదవ్​, తమటం లక్ష్మణ్​ గౌడ్​, బి వెంకటయ్య, కస్తూరి వెంకటేశ్వర్లు తదితరులు ధన్యవాదాలు తెలిపారు.