Breaking : ముంబైలో నలుగురు కూలీలను బలిగొన్న ‘లిఫ్ట్’

దిశ, వెబ్‌డెస్క్ : దేశఆర్థిక రాజధాని ముంబైలో దారుణం చోటుచేసుకుంది. నిర్మాణంలో ఉన్న భవనంపై అంతస్తు నుంచి అనుకోకుండా లిఫ్ట్ ఒక్కసారిగా కుప్పకూలింది. ఈ ప్రమాదంలో నలుగురు కూలీలు అక్కడికక్కడే మృతి చెందగా, మరొకరికి తీవ్రగాయాలయ్యాయి. అతన్ని స్థానిక ఆస్పత్రికి తరలించి వైద్యం అందిస్తున్నారు.

ఈ ఘటన ముంబైలోని వర్లి హనుమాన్ గుల్లీ ఏరియాలో జరిగినట్లు సమాచారం. విషయం తెలిసిన వెంటనే పోలీసులు ఘటనా స్థలికి చేరుకుని ప్రమాదానికి గల కారణాలపై ఆరా తీశారు. కన్‌స్ట్రక్షన్ కంపెనీ నిర్వహణ లోపం వల్లే కూలీలు మృతి చెందినట్లు పోలీసులు నిర్దారించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు తెలిపారు.