జూరాల ప్రాజెక్టుకు భారీ వరద

దిశ ప్రతినిధి, మహబూబ్‎నగర్: ప్రియదర్శిని జూరాల ప్రాజెక్టుకు భారీగా వరద నీరు వచ్చి చేరుతోంది. దీంతో ప్రాజెక్టు 29 గేట్లను ఎత్తి నీటిని దిగువకు విడుదల చేస్తున్నారు. ప్రాజెక్టు ఇన్‎ఫ్లో 1,65,000 క్యూసెక్కులు ఉండగా.. ఔట్‎ఫ్లో 1,61,475 క్యూసెక్కులు కొనసాగుతోంది. జలాశయం పూర్తిస్థాయి నీటిమట్టం 9.657 టీఎంసీలు కాగా, ప్రస్తుతం 8.454 టీఎంసీల నీటిని నిల్వ సాగుతోంది. ఎగువ జూరాల జలవిద్యుత్ కేంద్రంలో 6 యూనిట్స్‎లో 234 మెగావాట్ల విద్యుత్ ఉత్పత్తి చేస్తుండగా.. దిగువ జూరాల జల విద్యుత్ కేంద్రంలో 6 యూనిట్స్‎లో 240 మెగావాట్ల విద్యుత్ ఉత్పత్తి చేస్తున్నట్లు అధికారులు వెల్లడించారు.