రికవరీ వాహనాల పార్కింగ్​ కేంద్రంలో అగ్ని ప్రమాదం…

దిశ, కూకట్‌పల్లి : రికవరీ వాహనాల పార్కింగ్​కేంద్రంలో అగ్ని ప్రమాదం చోటు చేసుకున్న సంఘటన కూకట్‌పల్లి పోలీస్‌స్టేషన్​పరిధిలో చోటు చేసుకుంది. ఎస్సై భానుప్రసాద్​తెలిపిన వివరాల ప్రకారం తుల్జా భవాని ఫైనాన్స్​నుంచి రుణం తీసుకుని తిరిగి చెల్లించని వాహనాలను సంతోష్​గౌడ్​అనే వ్యక్తి సీజ్ చేసి మూసాపేట్‌లోని ఓ షెడ్డులో పార్క్​చేస్తుంటారు. పార్కింగ్ యార్డులో ప్రమాదవశాత్తు అగ్ని ప్రమాదం చోటు చేసుకుని పార్కింగ్​లో ఉన్న 17 ఆటోలు పూర్తిగా కాలి పోగా, 21 ద్విచక్ర వాహనాలు, ఒక కారు పాక్షికంగా కాలి పోయినట్టు ఎస్సై తెలిపారు. సమాచారం అందుకున్న కూకట్‌పల్లి పోలీసులు, అగ్నిమాపక సిబ్బంది సంఘటన స్థలానికి చేరుకుని మంటలను అదుపు చేశారు. ఈ మేరకు కేసు నమోదు చేసుకొని దర్యాప్తు చేస్తున్నట్లు పోలీసులు వెల్లడించారు.