ఆరేండ్ల కూతురి పై తండ్రి లైంగికదాడి

దిశ, వెబ్‌డెస్క్: ఆరేండ్ల కూతురిని భూజాల పై ఎత్తుకొని పెంచాల్సిన తండ్రి కర్కశానికి ఒడిగట్టాడు. గోరు ముద్దలు తినిపించాల్సిన చేతులతో కామ క్రీడలు చేశాడు. అల్లారు ముద్దుగా చూసుకోవాల్సింది పోయి అమానుషంగా ప్రవర్తించాడు. చివరకు కటకటాల పాలయ్యాడు.

సంగారెడ్డి జిల్లా కంది మండలం ఇంద్రకరణ్ గ్రామంలో ఈ దారుణ ఘటన వెలుగుచూసింది. ఇదే గ్రామానికి చెందిన ఓ వ్యక్తికి ఆరేండ్ల కూతురు ఉంది. ఆరేండ్ల వయసులో అభం శుభం తెలియని చిన్నారి పై కన్న తండ్రి అని మరిచి లైంగిక దాడి చేశాడు. ఇది తెలుసుకున్న బంధువులు అతడి పై స్టేషన్‌లో ఫిర్యాదు చేశారు. దీంతో కేసు నమోదు చేసుకున్న పోలీసులు అరెస్ట్ చేసి రిమాండ్‌కు తరలించారు. కన్న కూతురి పై ఇటువంటి దారుణానికి ఒడిగట్టిన నిందితుడిని కఠినంగా శిక్షించాలంటూ బంధువులు డిమాండ్ చేస్తున్నారు. ఇక మహిళా సంఘాలు తీవ్ర స్థాయిలో మండిపడుతున్నాయి.