- తెలంగాణ
- ఆంధ్రప్రదేశ్
- సినిమా
- క్రైమ్
- లైఫ్-స్టైల్
- ఎడిట్ పేజీ
- లోక్సభ ఎన్నికలు-2024
- రాజకీయం
- జాతీయం
- బిజినెస్
- ప్రపంచం
- స్పోర్ట్స్
- జిల్లా వార్తలు
- కెరీర్
- ఆరోగ్యం
- భక్తి
- రాశి ఫలాలు
- టెక్నాలజీ
- సాహిత్యం
- ఫొటో గ్యాలరీ
- గాసిప్స్
- వైరల్
- IPL2024
- ఐసీసీ T20 వరల్డ్ కప్-2024
విజయభేరి
by Disha edit |
X
అడవి ఒక్కటి కాలిపోతే
చండ్రగాడ్పులు, కొలిమి సెగలు, అగ్నికీలలు
భూమి మీద బతుకునంత బుగ్గి చేస్తాయి !
నింగినుండి తొంగి చూసే
రంగురంగుల చుక్కలన్నీ
రాలి నెత్తురు కక్కుకుంటూ
పేలిపోతాయి !
పగళ్ళన్నీ మండిపోయి
రాత్రులన్నీ కాలిపోయి
మహాప్రళయం జగం నిండా
తాండవిస్తుంది !
అందుకే మేము సైతం
అడవి అగ్గిని ఆర్పి వచ్చాము !
మేము సైతం,విశ్వ శ్రేయకు
చెమట చుక్కలు ధారపోశాము!
మేము సైతం,
వన్యప్రాణుల ఆత్మ ఘోషకు
వెర్రిగొంతుకలిచ్చి మోగాము!
మేము సైతం, అడవి సిగలో
పూలై పరిమళించాము!
-(తిరుమల అడవి అంటుకున్నప్పుడు అటవీశాఖ సిబ్బందితోపాటు వెళ్లి మంటలను ఆపిన తిరుపతి ట్రెక్కింగ్ బృందం అనుభూతికి అక్షర రూపం.)
- రాఘవశర్మ
- Tags
- Poem
Next Story