ఐపీఎస్‌ల ఇళ్లపై డ్రోన్ కెమెరాల కలకలం

దిశ, వెబ్‌డెస్క్: తెలంగాణలో సీనియర్ ఐపీఎస్‌ల ఇళ్లపై డ్రోన్ కెమెరాల కలకలం రేపుతున్నాయి. తెలంగాణహోంశాఖ ప్రిన్సిపల్ సెక్రటరీ అదనపు డీజీ రవి గుప్తా, ఏపీ డీజీపీ గౌతమ్ సవాంగ్ ఇళ్లపై డ్రోన్ కెమెరాలతో చిత్రీకరణ చేసినట్లు తెలుస్తోంది. గతంలో మావోయస్టు ప్రభావిత ప్రాంతాల్లో పోలీస్ అధికారులు పని చేశారు. కాగా, డ్రోన్ కెమెరాల వ్యవహారంపై జూబ్లీహిల్స్ పోలీసు స్టేషన్‌లో ఫిర్యాదు చేశారు. ఈ ఘటనపై కేసు నమోదు చేసిన పోలీసులు డ్రోన్ కెమెరాలతో చిత్రీకరించిన వ్యక్తులను అదుపులోకి తీసుకుని.. కెమెరాలను ఫోరెన్సిక్ ల్యాబ్‌కు పంపించారు. అయితే ఫోటో షూట్ కోసం డ్రోన్ కెమెరాలు ఎగురవేశామని యువకులు తెలిపారు.