షాకింగ్.. పట్టపగలే నడి రోడ్డుపై డాక్టర్ల దంపతుల దారుణ హత్య

దిశ, వెబ్‌డెస్క్ : రాజస్థాన్‌లో దారుణ ఘటన చోటుచేసుకుంది. భరత్‌పూర్ నగరంలోని ఓ జంక్షన్ వద్ద డాక్టర్ల దంపతులను బైక్‌పై వచ్చిన ఇద్దరు వ్యక్తులు దారుణంగా హత్య చేశారు. వివరాల ప్రకారం.. భరత్‌పూర్ జిల్లా హెడ్​క్వార్టర్స్‌లోని సెంట్రల్​బస్టాండ్ సర్కిల్ వద్ద.. బైక్‌పై వచ్చిన ఇద్దరు నిందితులు డాక్టర్ దంపతుల కారును అడ్డగించి.. వారిపై ఐదు రౌండ్ల కాల్పులు జరిపారు.

దీంతో వారిద్దరూ అక్కడికక్కడే మృతిచెందారు. ఆ తర్వాత నిందితులు ఇద్దరూ బైక్‌పై పరారయ్యారు. మృతులను డాక్టర్ సుదీప్ గుప్తా, సీమా గుప్తాలుగా పోలీసులు గుర్తించారు. అయితే వారిపై కాల్పులు జరిపిన వారిని అనుజ్, మహేష్‌లుగా గుర్తించిన పోలీసు అధికారులు.. ఇది ప్రతీకార హత్యలేనని భావిస్తున్నట్టు తెలిపారు.