ధోనీ ఖాతాలో మరో రికార్డు

దిశ, వెబ్‌డెస్క్: ఐపీఎల్‌2020లో భాగంగా శనివారం రాత్రి అబుదాబి వేదికగా చెన్నై సూపర్ కింగ్స్ వర్సెస్ రాయల్ చాలెంజర్స్ బెంగుళూరు మధ్య జరిగిన మ్యాచ్‌లో బెంగుళూరు ఘన విజయం సాధించింది. ఈ మ్యాచ్‌లో చెన్నై కెప్టెన్ ఎమ్‌ఎస్ ధోని అరుదైన ఘనత సాధించాడు. టీ20 ఫార్మాట్‌లో 300 సిక్సులు కొట్టిన మూడో భారత బ్యాట్‌మెన్‌గా ఈ ఘనత సొంతం చేసుకున్నాడు. నిన్న రాత్రి RCBతో జరిగిన మ్యాచ్‌లో చాహల్ బౌలింగ్‌లో సిక్స్ కొట్టి, ధోని ఈ ఫీట్ సాధించాడు. ఈ జాబితాలో రోహిత్ శర్మ(375), సురేశ్ రైనా(311), తొలి రెండు స్థానాల్లో ఉండగా, ధోని మూడో స్థానంలోకి చేరాడు.