విజయ ఏకాదశి రోజున ఈ వస్తువులను దానం చేస్తున్నారా.. మీ కుటుంబ కష్టాలు తొలగినట్టే..

దిశ, ఫీచర్స్ : ప్రతి సంవత్సరం ఫాల్గుణ మాసంలోని కృష్ణ పక్షంలో జరిగే ఏకాదశిని విజయ ఏకాదశి అంటారు. ఈ రోజున విష్ణువుతో పాటు ఆయన అవతారమైన శ్రీరాముడిని కూడా పూజించే సంప్రదాయం ఉంది. అంతే కాదు విజయ ఏకాదశి రోజున దానం చేయడం వలన విశేష ఫలితాలు వస్తాయట. అయితే ఈ రోజున చేసే దానం ఇతర ఏకాదశులలో చేసే దానాల కంటే కొంచెం భిన్నంగా ఉంటుంది.

ఈసారి విజయ ఏకాదశి వ్రతం మార్చి 6న నిర్వహించనున్నారు. ఈ ఏకాదశి నాడు బంగారం దానం, భూమి దానం, అన్నదానం, గోవులను దానం చేయడం వల్ల పుణ్యఫలాలు ఎక్కువగా లభిస్తాయని పండితులు చెబుతున్నారు. హిందూ మతంలో దాన ధర్మాల ప్రభావం తరగని పుణ్యాన్ని ఇస్తుందని చెబుతున్నారు. దానం చేసేటప్పుడు కొన్ని విషయాలను దృష్టిలో ఉంచుకుంటే ఎంతో మేలు జరుగుతుందని జ్యోతిష్య శాస్త్రంలో చెప్పారు.

ఈ ఏకాదశి రోజున ఉపవాసం ఉండటం వల్ల ప్రతి రంగంలో విజయం పొందుతారని చెబుతున్నారు పండితులు. అలాగే సర్వపాపాలు నశిస్తాయనీ పద్మ పురాణంలో చెప్పారు. ఈ వ్రతాన్ని ఆచరించడం వల్ల యాగంతో సమానమైన పుణ్యఫలితాలు లభిస్తాయని, శత్రువులు కూడా ఓడిపోతారని చెబుతున్నారు. ఈ ఉపవాస ప్రభావం ఓటమిని కూడా విజయంగా మారుస్తుందని అంటారు. విజయ ఏకాదశి రోజున ఏమి దానం చేయాలో ఇప్పుడు తెలుసుకుందాం.

విజయ ఏకాదశి నాడు ఈ వస్తువులు దానం చేయాలి..

ఈ రోజున బ్రాహ్మణుడికి ఆహారం, స్వీట్లు, పండ్లు, బట్టలు, పుస్తకాలు మొదలైనవాటిని దానం చేయవచ్చు. బ్రాహ్మణులే కాకుండా ఏ ఇతర పేద వ్యక్తికైనా దానం చేయవచ్చు.

విజయ ఏకాదశి రోజున చెక్కుచెదరని పూలు, వస్త్రాలు, ధనం వంటి వాటిని దానం చేయాలి. అంతే కాదు ఈ రోజున అన్నదానం చేయడం వల్ల ఆ ఇల్లు ఎప్పుడు సుఖ సంతోషాలతో, ఐశ్వర్యంతో నిండి ఉంటుంది. ఇంట్లో ఆహారానికి లోటు ఉండదట.

అలాగే ఈ రోజున బట్టలు దానం చేయడం వల్ల సమాజంలో మీ గౌరవం పెరుగుతుందని చెబుతున్నారు. అక్షత దానం చేయడం వల్ల జాతకంలో చంద్రుడు బలవంతుడు, శుభప్రదుడు అవుతాడు. దీనితో పాటు కీర్తిని కూడా పొందుతారు.

అలాగే పుష్పాలను దానం చేయడం వల్ల కుటుంబం ఆనందం, శాంతి నెలకొంటుంది. గృహ సమస్యల నుంచి ఉపశమనం లభిస్తుంది. అలాగే డబ్బును దానం చేయడం వల్ల ఆర్థిక పరిస్థితి మెరుగుపడి, ఆర్థిక సంక్షోభం తొలగిపోతుందని చెబుతున్నారు.

దానం చేసేటప్పుడు ఈ విషయాలను గుర్తుంచుకోండి..

దానం చేసేటప్పుడు అయిష్టంగా, ఒత్తిడితో ఇవ్వకూడదు. అనర్హుడైన వ్యక్తికి దానం ఎప్పుడూ ఇవ్వకూడదు. ఏ వస్తువులు దానం చేసినా అవి నాణ్యమైనవిగా ఉండాలి.

మాంసం, మద్యం మొదలైన వాటిని దానధర్మాలలో ఇవ్వకూడదు ఎందుకంటే ఈ వస్తువులు ప్రయోజనానికి బదులుగా హానిని కలిగిస్తాయి.

దానం చేసేటప్పుడు ఈ వస్తువులు భగవంతుడు ఇచ్చినవి, నేను ఈ సేవ చేస్తున్నాను లేదా దేవుడికి మాత్రమే ఇస్తున్నాను అని ఎల్లప్పుడూ గుర్తుంచుకోండి. ఈ విషయాలను దృష్టిలో ఉంచుకుని దానం చేస్తే ఐశ్వర్యం కలుగుతుంది.