రాబరీ గ్యాంగ్‌‌కు సపోర్ట్ చేసిన ముంబై పోలీసులు

76

దిశ, ఫీచర్స్ : మనీ హీస్ట్ సీజన్-5 శుక్రవారం, సెప్టెంబర్ 3న విడుదలైన సంగతి తెలిసిందే. ఇప్పటికే నాలుగు సీజన్లు సూపర్ డూపర్ హిట్ కాగా, ప్రపంచవ్యాప్తంగా అభిమానులను ఐదో సీజన్ కోసం ఎప్పటి నుంచో ఆతృతగా ఎదురుచూస్తున్నారు. ఈ క్రమంలోనే ది లాస్ట్ సీజన్ విడుదల రోజున డై హార్డ్ ఫ్యాన్స్ నానా హంగామా చేశారు. ఈ మేరకు జైపూర్‌కు చెందిన ఐటీ కంపెనీ తమ ఉద్యోగులకు ‘మనీ హీస్ట్ చిల్‌డే’ అంటూ హాలీడే ప్రకటించగా, ఇక ముంబై పోలీసులు తమ ‘బ్యాండ్ ఖాకీ స్టూడియో’ ట్విట్టర్ అకౌంట్‌లో ‘బెల్లా సియావో పాట’ను ప్రదర్శిస్తున్న వీడియోను షేర్ చేసి, తమ ఫ్యాన్ మూమెంట్ పంచుకున్నారు.

పోలీసులు ‘దొంగల’ను పట్టుకోవడం కామన్ అయితే ‘మనీ హీస్ట్’ రాబరీ గ్యాంగ్‌కు మాత్రం సపోర్ట్‌గా నిలవడం విశేషం. బ్యాంకు దోపిడీకి పాల్పడే వ్యక్తులను వదలబోమంటూ రియల్ లైఫ్‌లో ప్రతిజ్ఞ చేసినా పోలీసులు, బ్యాంక్ ర్యాబరీ నేపథ్యంలో వచ్చిన హిట్‌ సిరీస్ మనీహీస్ట్‌తో పాటు దాని థీమ్ సాంగ్‌ని కూడా బాగా ఎంజాయ్ చేస్తున్నారు. ఈ క్రమంలోనే మనీహీస్ట్ సీజన్ 5 విడుదల రోజు సంగీతంతో సెలబ్రేట్ చేసుకున్నారు. బెల్లా సియావో పాటను తమ ట్రూప్‌తో కలిసి ప్లే చేసిన ముంబై పోలీసులు, దానికి సంబంధించిన వీడియోను తమ ట్విట్టర్ అకౌంట్ ‘ఖాకీ స్టూడియో’లో షేర్ చేశారు. నెటిజన్లు ఖాకీల టాలెంట్‌పై ప్రశంసలు కురిపిస్తుండగా, స్ట్రీమింగ్ ప్లాట్‌ఫామ్ నెట్‌ఫ్లిక్స్ కూడా, వారిని అభినందిస్తూ కామెంట్ చేసింది.

ముంబై పోలీసులు తమ మ్యూజిక్ బ్యాండ్‌తో ఇదివరకే యావత్ భారతీయుల మనసు దోచుకున్నారు. ఇక ఇటీవలే జేమ్స్ బాండ్ థీమ్ మ్యూజిక్‌ ప్రదర్శించి దాన్ని ‘ఖాకీ స్టూడియో’లో పంచుకోగా, వారిపై ప్రశంసల వర్షం కురిపించారు నెటిజన్లు.

గల్లీ టూ గ్లోబల్ అప్డేట్స్.. రంగులు మారే రాజకీయాలపై ఆసక్తికర విశ్లేషణలు.. దమ్మున్న వార్తలు.. ఎప్పటికప్పుడు.. వాట్సాప్ ద్వారా పొందాలంటే.. మా నెంబ‌ర్‌ +91 88864 24242 ను సేవ్ చేసుకొని, "START" అని వాట్సాప్ ద్వారా మెసేజ్ పంపండి..