పేద బ్రాహ్మణులకు నిత్యావసరాల పంపిణీ

దిశ, న్యూస్‌బ్యూరో : లాక్‌డౌన్ కారణంగా ఇబ్బందులు పడుతున్న పేద బ్రాహ్మణులకు సీపీఐ(ఎం) నగర కమిటీ అండగా నిలిచింది. చిక్కడపల్లిలోని బ్రాహ్మణ కుటుంబాలకు సీపీఐ(ఎం) నగర కమిటీ తరఫున గురువారం నిత్యావసర సరుకులను అందజేశారు. అన్ని వృత్తులతో పాటు పౌరోహిత్యాన్ని నమ్ముకున్న బ్రాహ్మణులు కూడా ఈ రోజుల్లో అవస్థలు పడుతున్నారని, ఆకలితో అలమటిస్తున్న వారికి అండగా నిలవాలని సీపీఐ(ఎం) నాయకులు ఈ సందర్భంగా కోరారు. ఈ కార్యక్రమంలో సీపీఐ(ఎం) రాష్ట్ర కార్యదర్శివర్గ సభ్యురాలు టి.జ్యోతి, నగర కార్యదర్శి ఎం శ్రీనివాస్ తదితరులు పాల్గొన్నారు.

Tags: corona, lockdown, CPM, brahmins,