నేనేమి చేశాను నేరం.. ప్లాస్టిక్ కవర్‌లో పసికందు మృతదేహం

దిశ, లింగాల గణపురం : నవమాసాలు మోసి బిడ్డకు జన్మనిచ్చిన తల్లి బిడ్డ చనిపోతే పూడ్చకుండా ప్లాస్టిక్ కవర్లో కట్టి చెరువు సమీపంలో పడేసిన సంఘటన చోటుచేసుకుంది. స్థానికులు తెలిపిన వివరాల ప్రకారం మండలంలోని నెల్లుట్ల చెరువు ప్రాంతంలో, గుర్తు తెలియని వ్యక్తులు పురుడు పోసుకుని మృతి చెందిన మగ శిశువు మృతదేహాన్ని, ప్లాస్టిక్ కవర్లో చుట్టి చెరువు ప్రాంతాల్లో పడేసి పోవడంతో, చేపలు పట్టే వారు చూసి పోలీసులకు సమాచారం ఇచ్చినట్లు తెలిపారు. ఎస్సై శ్రావణ్ కుమార్ పసికందు మృతదేహాన్ని జనగామ ఆస్పత్రిలోని మార్చురీకి తరలించి విచారణ చేపట్టినట్లు తెలిపారు.