దొంగతనమే హత్యకు కారణం

దిశ,మేడ్చల్ టౌన్ : మేడ్చల్లో బుధవారం జరిగిన హత్య కేసులో దొంగతనమే ప్రధాన కారణమని తెలిసింది. ఈ కేసులో నిందితులను పోలీసులు పట్టుకుని రిమాండ్ కు తరలించారు. ఈ కేసులో ప్రధాన నిందితుడిగా గుర్తించిన శివకుమార్ ఇంట్లో నుంచి మృతుడు కల్యాణ్ రూ.20 వేలు దొంగిలించాడు. ఈ విషయమై శివకుమార్ తనకు సోదరుడైన మహేందర్, బావమరిది సాయికుమార్ తో కలిసి ఈ నెల 28వ తేదీన దారుణంగా కొట్టి చంపినట్టు గుర్తించారు. ఈ మేరకు ముగ్గురిని పోలీసులు అరెస్ట్ చేసి, రిమాండ్ తరలించినట్లు సీఐ సత్యనారాయణ తెలిపారు.