BREAKING: ఆంధ్రప్రదేశ్‌లో ఘోర రోడ్డు ప్రమాదం.. అక్కడిక్కకడే నలుగురు మృతి

దిశ, వెబ్‌డెస్క్: ఆంధ్రప్రదేశ్‌లోని కాకినాడ జిల్లాలో ఘోర రోడ్డు ప్రమాదం జరిగింది. పత్తిపాడు మండలంలోని పాదాలమ్మ గుడి సమీపంలో ఆర్టీసీ బస్సు భీభత్సం సృష్టించింది. రోడ్డు పక్కన లారీ టైర్ మారుస్తుండగా ఒక్కసారిగా రోడ్డుపక్కన ఉన్నవారిపైకి బస్సు దూసుకెళ్లింది. ఈ ప్రమాదంలో నలుగురు వ్యక్తులు దుర్మరణం పాలయ్యారు. స్థానికులు ద్వారా సమాచారం అందుకున్న పోలీసులు హుటాహుటిన ఘటన స్థలానికి చేరుకున్నారు. మృతదేహాలను పోస్ట్ మార్టం నిమిత్తం ఆసుపత్రికి తరలించారు. మృతులను ప్రసాద్, కిషోర్, నాగయ్య, రాజుగా గుర్తించారు. పోలీసులు ఈ ఘటనపై కేసు నమోదు చేసుకుని దర్యాప్తు మొదలుపెట్టినట్లు తెలిపారు. కాగా, ఈ ఘటనకు సంబంధించిన పూర్తి వివరాలు తెలియాల్సి ఉంది.

Also Read..

BREAKING: జీపు టైర్ పేలి బోల్తా.. 40 మందికి తీవ్ర గాయాలు.. ఇద్దరి పరిస్థితి విషమం