భర్త వేధింపులు తాళలేక వివాహిత ఆత్మహత్య

దిశ,వీణవంక : భర్త అనుమానంతో వేధిస్తున్నాడని మహిళ ఆత్మహత్య చేసుకున్న సంఘటన వీణవంక మండలం బేతిగల్ గ్రామంలో చోటుచేసుకుంది. ఎస్ఐ తోట తిరుపతి తెలిపిన వివరాల ప్రకారం ఆకుల తిరుప (37) అనే మహిళ తన భర్త తనని రోజూ శారీరకంగా, మానసికంగా వేధిస్తూ అనుమానం పెంచుకున్నాడని జీవితంపై విరక్తి చెంది పది రోజుల క్రితం పురుగుల మందు తాగింది. అది గమనించిన కుటుంబ సభ్యులు చికిత్స నిమిత్తం ఆస్పత్రికి తరలించారు. చికిత్స పొందుతూ గురువారం ఉదయం మరణించింది. తన కూతురు చావుకు అల్లుడు ఆకుల రాములే కారణమని మృతురాలి తల్లి ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు తెలిపారు.