ఇంటి నిర్మాణం విషయంలో ఘర్షణ.. కత్తుల దాడిలో ముగ్గురు స్పాట్ డెడ్

దిశ, వెబ్‌డెస్క్: కాకినాడ(Kakinada) జిల్లా వేట్లపాలెం(Vetlapalem)లో దారుణ ఘటన చోటుచేసుకుంది. ఇంటి నిర్మాణం విషయంలో రెండు వర్గాల మధ్య భారీ ఘర్షణ జరిగింది. ఒకే కుటుంబానికి చెందిన ఆరుగురిపై ఒక వర్గం కిరాతకంగా దాడికి పాల్పడ్డారు. కత్తులు, కర్రలతో ప్రత్యర్థులు దాడి చేశారు. ఈ దాడిలో ముగ్గురు అక్కడికక్కడే మృతిచెందగా.. మరో ముగ్గురు తీవ్రంగా గాయపడ్డారు. స్థానికుల సమాచారంతో విషయం తెలుసుకున్న పోలీసులు హుటాహుటిన ఘటనా స్థలానికి చేరుకున్నారు. అనంతరం కేసు నమోదు చేసుకొని దర్యాప్తు ప్రారంభించారు. ఘర్షణకు సంబంధించిన పూర్తి వివరాలు తెలియాల్సి ఉంది.