మహిళ మెడలో గొలుసు చోరీ..

దిశ, నాగారం: మహిళ మెడలో గొలుసు చోరీ జరిగిన ఘటన కీసర పోలీస్ స్టేషన్ పరిధిలో చోటు చేసుకుంది. వివరాల్లోకి వెళితే.. కీసర మండలంలోని నాగారంలోని రాసుఖ్ నగర్ కాలనీలో పాపని స్కూల్లో వదిలి ఇంటికి వస్తున్న క్రమంలో వినోద అనే మహిళ మెడలో గుర్తు తెలియని దుండగుడు ద్విచక్రవాహనంపై వచ్చి చోరీ చేసి 7 గ్రాముల బంగారు నగలను ఎత్తుకెళ్లాడు. మహిళ చాకచక్యంగా వ్యవహరించి కేకలు వేయడంతో దుండగుడు పారిపోయాడు. స్థానికులు 100కు డయల్ చేయగా.. పోలీసులు సంఘటన స్థలానికి చేరుకున్నారు. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.