Big Alert: ఈమెయిల్, నెట్‌ బ్యాంకింగ్ పాస్‌వర్డ్స్ మార్చుకొని ఎన్ని రోజులైంది?

దిశ, వెబ్‌డెస్క్: సైబర్‌ మోసాలు(Cyber Frauds) రోజురోజుకూ పెరిగిపోతున్నాయి. ఈ మోసాలపై పోలీసులు నిత్యం ప్రజల్లో అవగాహన కల్పించే ప్రయత్నం చేస్తున్నా కూడా.. రోజూ ఎక్కడో చోట తప్పిదాలు జరగడం, సైబర్ నేరగాళ్లకు చిక్కడం క్రమంగా జరుగుతోంది. ముఖ్యంగా భారత్‌లో ప్రతీ 8 సెకన్లకు ఒకరు సైబర్‌ మోసం బారిన పడుతున్నారని, 2023తో పోల్చితే 2024, 2025లో సైబర్‌ నేరాలు భారీ స్థాయిలో శాతం పెరిగాయని ప్రభుత్వ నివేదికలో వెల్లడైంది. తాజాగా సైబర్ మోసాలపై అలర్ట్‌గా తెలంగాణ పోలీసులు(Telangana Police) కీలక సూచనలు చేశారు. ఈ మేరకు సోషల్ మీడియా వేదికగా పోస్టు పెట్టారు. ‘మీ ఈమెయిల్, నెట్‌ బ్యాంకింగ్‌తో పాటూ ఇతర బ్యాంకింగ్ పాస్‌వర్డ్స్‌ను తరచూ మార్చుతూ ఉండాలి. ఈజీ పాస్‌వర్డ్స్‌ను పెడితే మీరే సైబర్ మోసగాళ్లకు అవకాశం ఇచ్చినవాళ్లవుతారు’ అని పోలీసులు అలర్ట్ చేశారు.