ఏపీలో షాకింగ్ ఘటన.. అల్లుడితో అత్త ఎఫైర్.. కూతురు పెళ్లికి అడ్డొచ్చిందని దారుణం!

దిశ,వెబ్ డెస్క్: సమాజంలో రోజురోజుకు విలువలు కనుమరుగవుతున్నాయి. వావి వరస లేకుండా సంబంధాలు పెట్టుకుంటున్నారు. తాజాగా అలాంటి షాకింగ్ ఘటనే ఆంధ్రప్రదేశ్ లో చోటు చేసుకుంది. కూతురు పెళ్లి చేసుకున్నవాడితోనే ఆమె తల్లి అక్రమసంబంధం పెట్టుకుంది. అంతేకాకుండా అతడితో పెళ్లికి సైతం సిద్ధం అయ్యింది. ఈ ఘటన తిరుపతి జిల్లా కేవీబీపురంలో చోటు చేసుకుంది.

కేవీబీపురానికి చెందిన ఓ బాలిక ఐదు నెలల క్రితం ఓ అబ్బాయిని ప్రేమించి పెళ్లి చేసుకుంది. కాగా గత కొన్ని రోజులుగా ఆ బాలిక తల్లి అల్లుడితోనే వివాహేతర సంబంధం పెట్టుకుంది. కూతురి ముందే అతడితో తాళి కట్టించుకునేందుకు సిద్దం అవ్వగా ఇద్దరి మధ్య వాగ్వాదం చోటు చేసుకుంది. ఈ క్రమంలో కూతురిపై తల్లి రోకలిబండతో దాడి చేసింది. బాలిక కేకలు వేయడంతో అక్కడకు చేరుకున్న స్థానికులు కాపాడే ప్రయత్నం చేశారు. ఘటనపై పోలీసులు కేసు నమోదు చేసుకుని విచారణ జరుపుతున్నారు.