HYD: డీసీఎంను ఢీకొని ఆస్పత్రిలోకి దూసుకెళ్లిన కారు

దిశ, వెబ్‌డెస్క్: హైదరాబాద్‌లోని బంజారాహిల్స్‌ ప్రాంతంలో ఓ కారు బీభత్సం సృష్టించింది. మితిమీరిన వేగంతో డీసీఎంను ఢీకొని పక్కనే ఉన్న ఓ ఆసుపత్రిలోకి దూసుకెళ్లింది. సోమవారం తెల్లవారుజామున చోటుచేసుకున్న ఈ ప్రమాదంలో ఆసుపత్రి సెక్యూరిటీ గార్డుతో పాటు మరో ముగ్గురికి తీవ్ర గాయాలు అయ్యాయి. దీంతో ఆసుపత్రి సిబ్బంది పోలీసులకు సమాచారం అందివ్వగా.. వారు ఘటనా స్థలానికి చేరుకొని పరిస్థితిని సమీక్షించారు. అనంతరం కేసు నమోదు చేసుకొని దర్యాప్తు ప్రారంభించారు. ప్రమాదానికి సంబంధించిన పూర్తి వివరాలు తెలియాల్సి ఉంది.