8 నెలల క్రితం లవ్ మ్యారేజ్.. భార్యను కిరాతకంగా కొట్టి చంపిన భర్త

దిశ, వెబ్‌డెస్క్: వికారాబాద్‌(Vikarabad) జిల్లా తాండూరు మండలంలో దారుణ ఘటన చోటుచేసుకుంది. వివరాల్లోకి వెళితే.. పరమేష్ - అనూష అనే ఇద్దరు ఎనిమిది నెలల క్రితం లవ్ మ్యారేజ్(Love Marriage) చేసుకున్నారు. ఇటీవల ఇద్దరి మధ్య విభేదాలు పెరిగి గొడవలు స్టార్ట్ అయ్యాయి. అవి కాస్త గురువారం ముదరడంతో భర్త - భార్య మధ్య ఘర్షణ జరిగింది. ఈ క్రమంలో కోపం ఆపుకోలేకపోయిన భర్త పరమేశ్.. విచక్షణారహితంగా అనూషపై దాడి చేశారు. ఈ దాడిలో తీవ్రంగా గాయపడిన అనూష(22) అక్కడికక్కడే మృతిచెందింది. దీంతో భయాందోళన చెందిన పరమేశ్(28) అక్కడినుంచి పరారయ్యారు. స్థానికుల సమాచారంతో ఘటనా స్థలానికి వచ్చిన పోలీసులు కేసు నమోదు చేసుకున్నారు. భర్త పరమేశ్ కోసం గాలిస్తున్నారు. హత్యకు సంబంధించిన కారణాలు తెలియరాలేదు.