దీపావళి వేళ తీవ్ర విషాదం.. ఇంట్లో బాణాసంచా పేలి నలుగురు మృతి

దిశ, వెబ్‌డెస్క్: దీపావళి(Diwali) పండుగపూట తీవ్ర విషాదం చోటుచేసుకుంది. ఇంట్లో బాణాసంచా పేలి(Firework Explosion) నలుగురు మృతిచెందారు. ఈ ఘటన తమిళనాడులోని చెన్నై నగరం సమీపంలోని పట్టాభిరామ్ ప్రాంతంలో సంభవించింది. దీపావళి పండుగ నేపథ్యంలో ఇంట్లో బాణాసంచా కొని నిల్వ పెట్టారు. ఆదివారం మధ్యాహ్నం అనూహ్యంగా మంటలు చెలరేగి క్రాకర్స్‌కు అంటుకున్నాయి. ఈ క్రమంలో ఒక్కొక్కటిగా అన్నీ పేలాయి. ఈ పేలుడు ధాటికి ఇళ్లు మొత్తం నేలమట్టం అయింది. ఇంట్లో ఉన్న నలుగురూ మృతిచెందారు. స్థానికులు అందరూ భయంతో పరుగులు తీశారు. విషయం తెలుసుకున్న పోలీసులు ఫైరింజన్లతో వచ్చి మంటలను అదుపుచేసే ప్రయత్నం చేస్తున్నారు. పేలుడుకు సంబంధించిన పూర్తి వివరాలు తెలియాల్సి ఉంది.