ఘోర రోడ్డు ప్రమాదం.. ఒకే కుటుంబానికి చెందిన 11 మంది దుర్మరణం

దిశ, వెబ్ డెస్క్: చత్తీస్‌గఢ్‌లోని ధామ్తరి జిల్లాలో ఘోర రోడ్డు ప్రమాదం చోటుచేసుకుంది. బుధవారం అర్థరాత్రి పెళ్లికి వెళ్లి వస్తుండగా ఎస్‌యూవీ వాహనానికి ట్రక్ ఢీ కొనడంతో 10 మంది అక్కడిక్కడే మృతి చెందగా.. తీవ్ర గాయాలపాలైన ఓ చిన్నారి ఆస్పత్రిలో చికిత్స పొందుతూ మరణించింది. ఈ ప్రమాదంలో పలువురికి గాయాలైనట్టు సమాచారం. అది గమనించిన స్థానికులు గాయపడిన వారిని ఆస్పత్రికి తరలించి చికిత్స అందిస్తున్నారు. జగత్రా సమీపంలోని కంకేర్ జాతీయ రహదారిపై ఈ ప్రమాదం జరిగింది. కుటుంబమంతా సొరం నుంచి మర్కటోలాకు వెళుతుండగా ప్రమాదం సంభవించింది.