అమీర్‌పేట్‌లో డ్రగ్స్ ముఠా అరెస్ట్..

దిశ, ఖైరతాబాద్ : అమీర్ పేటలో డ్రగ్స్ ముఠాను ఎక్సైజ్ పోలీసులు అరెస్ట్ చేశారు. పోలీసులు తెలిపిన వివరాల ప్రకారం.. అమీర్ పేటలో డ్రగ్స్ విక్రయిస్తున్న విశ్వసనీయ సమాచారంతో స్పెషల్ టాస్క్ ఫోర్స్ పోలీసులతో కలిసి అమీర్పేట ఎక్సైజ్ పోలీసులు వారిని పట్టుకున్నారు. అంతేకాకుండా వారి వద్ద నుండి 6.34 గ్రాముల ఎండిఏంఏ ను సీజ్ చేశారు. 8 మందిని అదుపులోకి తీసుకోగా మరొకరు పరారీలో ఉన్నట్లు పోలీసులు తెలిపారు. బెంగళూరు నుంచి తక్కువ ధరకు డ్రగ్స్ తీసుకొచ్చి నగరంలో ఎక్కువ ధరకు అమ్మకాలు చేస్తున్నట్లు గుర్తించారు. నిందితుల నుంచి రెండు బైకులను ఎక్సైజ్ ఎస్టీఎఫ్ పోలీసులు సీజ్ చేశారు.